唉~今日同琴日一樣，都係咁悶，又冇嘢好做~而且，佢又話今日唔知要去邊，唉，搞到我連電腦都冇心機玩喇~唉...

好喇，咁我講返今日先喇...咁今日一早起身，同平時一樣，又係刷牙洗面換衫梳頭咁囉，冇咩特別，之後，開一開電腦喇，咁過咗一陣，佢竟然on喎，都算開心喇~不過，又唔知同佢講咩好，而且都有可能唔係佢黎嫁嘛，佢都話佢依家個名都係佢個fd搞成咁，所以，我冇add佢囉~

之後，唔玩喇，走咗去睇電視，不過冇咩睇，就去睇陣書，之後做下功課咁囉....都係冇咩特別喇~跟住，牙媽打電話問食乜嘢喇，家姐話想食炒烏冬，冇所謂喇，我今日食咩都係咁嫁喇...之後，我又做返功課囉...其實原本今日我地去睇戲既，不過，佢地今朝打電話黎話唔去喎，算喇~

之後，做功課做到咁上下，我又去睇返電視，唉，好彩依個時間有戲俾我睇姐，如果冇，我就真係悶死喇~跟住到18:00，開下電腦咁囉，不過，都係冇乜嘢做~

總而言之，今日都係同琴日冇乜分別，又係個句，好悶哇~~><

唉~今日好悶哩~又冇嘢好做~[其實都唔算係冇嘢好做，係我自己唔想做姐~呵呵!]又熱喎，好彩牙媽俾我開冷氣姐，如果唔係我一定熱死咗都冇人知姐~電腦個度又冇嘢想玩，借返黎D書又俾我睇哂喇~唉，都唔知做咩好，想約人出街玩又唔知約邊個好喎~唉.........好悶哩~

咁我講返今日做過D咩先喇~咁我一早起身，刷牙洗面換衫梳頭~之後，就開電腦，咁家姐就去咗玩，牙媽又唔係屋企，卡卡....自由時間黎喇，咁我整咗個早餐先喇~之後，玩陣電腦，跟住睇碟喇~睇完就落去食lunch，之後，去咗吉之島行陣，不過因為冇咩特別嘢好做，去咗圖書館喇，唉........冇書好借喎，諗住唔知見唔見到D知既人喇~卡卡~等咗陣就搭車返歸lu~  =3=

跟住返到屋企，見到家姐喇~佢問我去咗邊，我打返個對話出黎先!

姐:你去咗邊牙!![好似好惡個種咁嫁~]
我:去咗圖書館
姐:做咩唔同我講聲先牙!!
我:屋企都冇人，同邊個講牙~
姐:打電話俾我咪得囉!!俾個電話你就係要黎咁做嫁喇!!
我:咁點解我一定要打俾你，你唔俾我同牙媽講咗喇!
姐:哼!!你會!!好似你依D咁冇交帶既人，你會!!咪同我講笑喇~
我:係牙媽叫我自己去玩嫁，你唔信，可以問牙媽嫁!仲有牙~就算我有電話都唔一定打俾你嫁，我個電話唔係咁用囉我覺得~
姐:你....你家陣算點牙，冇大冇細!!
我:算好好咁同你講嘢!
姐:好~你好嘢~
我:多謝哂喎!
姐:你依家算係搵交鬧喇喎!!
我:唔知係邊個搵先呢~
姐:.............[之後佢就返入房，跟住打電話同牙媽講我冇禮貌~]

之後，牙媽返黎，叫哂我地兩個出黎，跟住我望佢個樣，佢好似好開心咁，你估我實俾牙媽鬧嫁，牙媽鬧我，即係你都會俾人鬧，咁抵死丫喇~點知牙媽淨係鬧佢唔鬧我，好又等我打返個對話返黎先~

媽:牙妹你係唔係去咗圖書館牙?
我:係牙!
媽:點解要去牙?又點解唔同家姐講先呢?
我:我去係因為冇嘢好做先去，而我唔同家姐講，一黎佢唔係度，二黎，我同牙媽你講咗，三黎係牙媽你叫我出去玩既~
媽:哦~係喎~
姐:咁都算佢可以唔同我講，但係佢頭先個態度好差囉，一D都唔尊重我牙!牙媽，你鬧下佢喇~
媽:[望住我]你頭先點同家姐講嘢嫁?
我:[講返頭先個D嘢喇~]
媽:哦，咁我知點做喇~牙妹你返入房先喇~

之後，我聽到牙媽係度話家姐攞我黎出氣咁喇，總之就係冇鬧我囉~抵死牙佢~呵呵，心都涼哂~好喇，唔打喇~

嘩嘩嘩~就快熱死我喇~點解夏天會咁熱嫁，想攞人命咩~衰人~~~蝦禾既~~~好彩，家陣本小姐正在舒舒服服咁開住個冷氣，玩住部電腦姐，呵呵呵~~~

好喇，我唔玩喇~咁等我講返今日先喇~原本約咗佢地今日8:25係學校門口等，但係我就遲到了........嗚嗚嗚....真對不起小winwin，之後上去喇~卡卡~就同小winwin一齊坐，卡卡~大家都知我同小winwin一齊坐就會有咩事發生嫁喇~呵呵....真係辛苦哂周圍D人，佢地好可憐咁俾我地玩~之後，搞掂哂D嘢就走得lu~=333=

咁我地去搵返佢地喇~一見到yoyo佢地，佢地好似好唔開心咁，唉~好可憐牙佢地，個個都話冇人好玩~真係得D班最好，因為月月鳥個D係哂個度~唉~以後個班一定係最好笑同埋最好玩既一班喇~嗚嗚嗚........唔制牙~我要去D班~><

之後，我地去買暑期作業，跟住去買埋D書喇~又熱又攰，好辛苦呀~~~

好喇~唔想打喇~冇心情打~唉~唔想咁分班牙~唔制啊~><