will our friendship forever?can we keep it up?

唉~知咗去咩班喇~好唔開心囉~我地咁多個多分開哂~點解唔係原班升喎，雖然咁樣會同方生一班~但係都唔想冇哂D朋友囉~唉~好彩仲有小winwin陪我，如果唔係，我一定唔知點算，可能仲會喊死添呀~依家我唯一開心的事，我同佢又同一班囉~但係又冇咗我既bowbow媽媽，小yoyo，卓，小怡怡，兩位老豆，小彤彤，同筠哇~唔制哇~

好喇~講返今日先喇~咁呢，因為我唔見咗條鑰匙，所以我就早D返學，諗住搵得返條鑰匙喇，點知..............唉~搵唔返啊~唔制呀~>.<之後，我係度睇漫畫喇~跟住bowbow媽媽返黎喇，帶多咗個人，之後，三個係度玩uno，跟住月月鳥返，又同bowbow媽媽鬧交~之後，佢返喇~嘩~好開心哦~呵呵呵~~~^^咁跟住我地同埋佢一齊玩喇~之後，個八婆leung入咗黎，要我地整返好哂D枱喎，好~我整俾你~

之後，佢派成績表喇~好驚呀~驚同唔到D fd一齊，更加驚同唔到佢一班呀~之後，佢攞咗成績表喇，知咗佢入a班，跟住到我攞喇~好驚呀~好彩個八婆淨係同我講[今次你個級名次進咗五名，但係班名次就退咗一名，下年要再好D喇~]跟住我睇去邊班喇~哇卡卡~好想喊囉~因為又可以同佢一班喇~好嘢!!!不過，就同唔到yoyo，卓，怡，bowbow媽媽，仲有我D老豆哇~嗚嗚嗚....................[哭泣中哦~]

咁之後去咩結業禮喎，悶死咗~之後上返去，bowbow佢地係度買舊書喇，咁我我就係度睇喇，覺得D舊書都ok喎，但係因為未同牙媽講，所以冇買到，唉~之後，同bowbow去食嘢，跟住就開電腦玩lu~=333=

halo~我返黎喇~咁呢，終於都到咗今日喇~好開心哇~卡卡~唔使問我黠解喇~咪就係佢生日囉~哈哈~唔知佢收到之後開唔開心呢~

咁我講返今日先喇~咁呢，一早起身，其實都唔多舒服嫁喇~因為個頭好痛，個身都冇哂力咁，好想嘔囉淨係知~不過都要返嫁喇~唔返就送唔到嫁喇~跟住一路返學，一路聽住歌，一路係度諗[佢會唔會唔收呢?如果佢唔收我咪好瘀?]咁喇~之後，返到去，見到張祐盛喎，問我一D好冇哩頭既問題喎，好唔想咁話佢，但係佢實在太可愛，嘰!!

跟住小winwin返黎喇，sindy又返咗，佢地話玩uno喇，玩玩下，陳文輝返咗喇，咁諗住起身送俾佢喇，點知小winwin同屎忽張祐盛走埋去同佢講生日快樂喎，之後，月月鳥嗰D又知咗佢生日喎，唉~我諗緊[我想送都難喇~]之後，我又好想嘔喎，咪行去廁所囉~之後，返到黎，玩埋個uno就落去集隊喎，熱死我喇~又唔講嘢喎，之後，上去嗰個咩中史唔知咩~嘰!

好喇~開始嗰個喇~卡卡~係f.1黎講都係月月鳥最好~卡卡~之後，話仲有個中史問答比賽喎，點知我就好可憐咁比人抽中咗去比賽，唔制哇~隔離嗰個係陳文輝都好d丫，仲咩要係陳昊喎，好彩有陳兆維陪我玩姐~嘰!之後，到我地喇~起初我地話，一條都唔好答，點知個陳兆絰就成日都同我禁制喎，咪搞到我要答囉~個陳昊又唔答，不過算喇~之後，個死八婆冇喇喇鬧陳昊做咩唔答，又話佢坐身得樣衰[嘰~雖然我好開心~]但係就因為咁我地就要入決賽喇~唔制哇~

之後，個陳兆維話，係唔係都入咗決賽，至少都唔係最差嗰個~唉，咁姐係搵我黎搞，唔制呀~><好彩，有幾條都有月月鳥幫我，呵~卡卡~都攞咗個第三返黎~不過，我個嘉老豆俾鍾sir叫走咗，原因係個八婆leung衰囉~賤人~個班網件事都過咗咁耐喇~鬧又鬧咗咁多次，電話又打過佢地牙媽喇~仲叫人地唔好鬧佢地喎，低嫁，你打得都一定俾人鬧嫁喇~[好彩我冇事~不過，我都好q憎個八婆~]跟住叫佢地寫悔改書唔好取悅佢喎，話要寫真心話，我老豆咪寫真心話囉~又話人地寫得唔好，又告上訓導組~痴嫁~

之後，話上返課室，咁見到佢咪送俾佢囉~卡卡~跟住小winwin要佢同我講多謝喎~卡卡~真可憐~之後，我地玩uno喇~佢都玩，咁有我，輝，小winwin，卓，bowbow媽媽，十二，bt，張祐盛同馮浚銘~卡卡~玩玩下十二又喊，笑死我喇~之後，返屋企lu~不過，我返屋企先發覺我唔見咗條鑰匙~唔制哇~><

哈哈~我返來囉~哇卡卡~今日我太開心喇~因為我見返D老朋友囉~吓?你問邊個??唔使咁心急，陣間講你知~呵呵~哇卡卡~

好喇~講返今日先~咁呢我一旱起身，之後落去食早餐喇~食完喇~返到屋企，有人打電話俾我喎，咁咪聽喇~點知係一個我識咗好耐既朋友打黎嫁，佢話佢有多一張飛去睇戲喇~咁我問佢係咩戲，佢話係四條腿，拯救隊，哇卡卡~我就係想睇依個~咁啱文意就有飛[啊~我未講佢係邊個添，佢係我由細玩到大既死黨黎嫁，不過，大家都冇見好耐lu~=33=]，雖然，bowbow佢地都話去睇，但係就未約實，所以我就同咗文意去睇，[bowbow唔好嬲我喇~]

之後，我地1:00係戲院度等，我又遲到喇~><之後，我地去食日本嘢，好好味哇~^^之後，去咗行一陣街，之後就夠鐘入場lu~卡卡~好好睇哇~笑到我同文意死咁制~不過，隔離D細路笑得仲high過我~卡卡~之後，我地就搭車返屋企，不過，我就唔係咁舒服呀~其實我出去個陣仲發緊燒嫁~

之後，又俾牙媽鬧我唔注意個身，下次再係咁，就唔俾我出街喎，卡卡~一次姐，唔使咁，更何況我同文意都唔係成日見，咪我玩一次咁囉~但係，我聽日一定要好返哇~我唔想聽日返唔到學哇~

聽日就係喇~