今次特會,主真的向我說話~

雖然弟兄姊妹都在教訓我們,但這責備是很好的,感受到主的鞭打,不過這是出於愛的....

弟兄的話 真是打醒了我,除了主,究竟我還留戀什麼??

昨晚的聚會真的很難受,全都是針對我們的說話,但說得很對!我的眼淚不斷的湧出...

主以重價買回我們,但我們竟然把主看得那麼賤,更與撤但一同對抗主!

我真是壞透了,心都不知跑到哪裡去,但主仍愛我,我要學習對主坦白~

收乾眼淚後,就走出去分享,最後說到服侍者,看見別人哭,我的眼淚又跑出來了,

我很少比服侍者交通,但我希望以後有更多服侍者交通我,其實我不是那麼好.....

弟兄的話真的好,很正!這的確是我們的光景!我要更多操練靈,也要懂得珍賞主!

主快回來了,我要跑!考試成績好又怎樣?難道主回來時我可以對主說,我今次的考試成績很好嗎?

世界的人稱讚我又如何? 唯有得主的獎賞至值得高興!!

電腦,成績,偶像,錢......這些都要落 火湖,是不長久的,這世界終結時,我們還可留戀這些麼?

主啊,這些我都不能解決,但我願意焚燒這些,叫主在我入面的成分是沒有雜質的!

主賜我焚燒的靈,燒毀我一切屬世的事物,雖然這不是一下子的,但主會天天變化我!

這次的特會,摸著的實在太多,我的靈很火熱,希望我能一直熱下去.......

作主的得勝者!主,加強我!

琴日結業禮,中4 又完結了....

呢一班雖然唔係好好玩,但都ok啦,希望下一年我地可以再相處得好d~

今年係我開始比心機讀書ge一年,以成績黎講,我對自己有交代,

下學期成績都keep倒算係唔錯,英文係最有進步ge一科,好開心....

琴日放學約好左去alan屋企打牌....with金毛,大鼻.

去到alan屋企,原來有秘密基地比我地玩-v-!

我地打麻雀,其實我唔係好識,不過有佢地係度,我好快學識左....

佢地3個 d手真係勁大,真係好羨慕>v<

嗯,,其實打麻雀都幾好玩~~我見倒alan細佬,唔似佢ge- v-!

跟住我地去食小丸子同雪糕,4個人一路食雪糕一路行街xd

最後就同金毛行返屋企,幾開心丫^^~

聽日去特會喇,我真係好想聽多d主ge話,叫我ge靈再次火熱起來啦!!

上幾次ge特會都有唔同ge感動,簡單又與世無爭ge生活真係好舒服....

仲可以識倒好多唔同ge弟兄姊妹,真好!期待我又一次的長大!!!

琴日啊妹生日,生日快樂!

我地叫左嘉儀,啊琪過黎玩^^ 我地一齊去食自助餐!!我地食韓燒,真係好好食,,

嘉儀好好笑,佢鍾意飲茶,間野d茶比佢飲晒,好勁呀!我地五個幾個勁食左兩個鍾,飽死!

d甜品幾乎比我地掃晒,布丁一件不留,食左十幾個甜品,我地仲自制格仔餠,好好玩~

跟住我地去行街,影貼紙相,影得好開心.黎左一部新機,我見倒部機播緊AAA-Sunshine的pv,

好開心呀,冇諗過會見倒佢地個pv,興奮左好耐,睇到唔肯走> v<

返到黎,我幫啊琪剪頭髮,好多謝佢放心交把頭髮比我剪~

啊琪d頭髮好長好靚,我第一次幫人剪咁多頭髮,雖然我覺得剪得一般般,驚太短啊琪唔鍾意,

點知佢話ok....佢一句怨言都冇,嘉儀又一直陪住我,給了我很大的鼓勵!

完成呢個任務真係好有滿足感,成地頭髮的震撼係難以想像的,啊琪是最好的~

夜晚,我地一齊食飯,睇雜誌,係咁睇人地d泳衣,我同嘉儀唔記得 我地已經一齊買左新泳衣- -

送佢地搭車,好唔捨得,我講左蘋果事件比佢聽,真係好好笑....跟住我地就分手~各自回家.

今朝,啊恐同Nova都有黎聚會,好開心,不過呢個會所好焗,同社區組分開左好冷清- -!!

啊恐問 點解男同女唔可以坐埋一齊........呃= =(果然滿腦子是那種思想XD)希望佢地會再黎啦~

有小朋友跳最強Babe,好勁呀,跳得好好,扮得好似,同真人板一樣,

特別係扮日高o個個,好鬼可愛!

To kuni: risa x 6

琴日出去買禮物比啊妹..同BABA飲完下午茶,自己去行街~

買左兩件3比啊妹,唔係平,我自己都好心痛- -!

不過遲D佢生日,無所謂啦,,其實件3個款好普通,我都知佢鍾意D簡單ge野,

同我唔同,不過著起黎應該好好睇~

行下行下,見倒有件3好靚,間店d野勁抵,買左件3比媽媽,

跟住開始掃3,我竟然可以用10蚊買倒一條裙- -!不過買了很多,大出血!

女仔的購物天性實在太勁了,自己shopping都很high...

我已經放棄左唱k同睇戲,所以d $$都係用黎買野,不過我唔會亂黎的~

我想作文,但竟然冇作文紙,灰....><

好快就要溫書,好彩miss chanchan編左個時間表比我地,太好了!

特會完就要測驗,唉~~沒有暑假的夏天快要開始了!!

有冇人聽過 出逢いのチカラ 呢首歌?前奏好似4葉草,但我搵唔倒= =

好鍾意misako把聲,佢應該上唔倒高音,但都可以唱得咁好聽~

http://hk.youtube.com/watch?v=Fp3aAQ44nyw

竟然死link- -!!一下子所有主線斷晒!!!

今朝5個人去打藍球,點知去到冇場= =

兩邊都有人打波- -! 以前都味試過咁多人,味試過冇場.....

天水圍有咁多個場,點解d男仔要霸住個細場喎,連d小朋友都係咁,

女仔去大場打波又唔夠打,唉~總之女仔要打波真係好難,今朝打唔倒波是非常飲恨的!!!

呢排廢話污染太多,以下係一d我認為幾廢的廢話: