嘉儀,生日快樂!! 26/01/08

祝你愈大愈靚,以後日日都咁開心^^~

唔好意思呀,遲左一日..琴日竟然唔記得左 >m<

由細玩到大,好似第一次同你講生日快樂tim,哈哈,好朋友就係咁,最好ge朋友反而會唔記得!!

細個一齊玩好開心,而家都係,最衰我地住得遠啦,如果唔係就可以成日一齊玩xd

多謝你細個個陣成日同我湊住啊欣^^  我就走左去同啊琪玩~

有時我覺得同你似兩姊妹多過同啊欣-v-  成日都好似同你fd D 咁...

因為你講野好有說服力,其實我好鍾意跟住你ga>v<次次玩完都唔捨得走~~

又大一歲喇,不過你係我心目中依係最可愛ge!生日快樂呀!!!

friendship forever!

我好似唔見左上次係上格床影o個幾張相- -!

------------------------------------------------------------------

今日去食壽司,慶祝我同啊妹考完試^^

本身諗住出MK食ga,但哥哥又唔得,出唔倒黎- -

天氣又凍,唯有係天水圍食啦^v^

食左好多好多壽司,呵呵呵!!

-------------------------------------------------------------------

我想釘多個耳孔呀,好想釘,但又怕痛- -

唔知點解我小六o個時咁勇拉埋啊妹兩個走去釘,而家諗返都覺得好笑~

不過而家有d驚,記得有個中秋,哥哥同我講,再釘耳就打死我,因為再釘就唔似好學生- -

以前都幾驚佢,所以都唔係好敢再釘...

但我而家大個女啦嘛,哈哈,佢以前仲衰過我啦,學都唔返,而家結左N次婚都係唔乖- -

唔理佢lu~XD 有假期就去釘左佢!>m<

今日,真係凍到震,又落雨- -  凍死我喇!!

個個商中ge同學都係著薄薄的冷3,人地d學校就可以著風嬲或街嬲,

我地學校件校嬲真係- -"  我諗就算凍死都冇咩人會著lo,又唔暖又核突..

搞到我地好似冇3著咁,20度係冷3,  10度都係得冷3,想著多件都冇~

今朝,真係超凍!仲要on duty,返黎ge時候見倒班老臣子雨中漫步,佢地真係大晒= =

今日週會,哈哈,有個老師電話響,唔記得邊個,個鈴聲好正,好好笑~

冇諗過金毛會紮高辮,好似見返小學時期ge金毛咁^v^ 細個左好多,好可愛~

今日,食左粒丸,我竟然訓左教,= =  以為冇野可以令我訓下午教,點知都係衰左,

人ge身體真係好渺小,不能永久保存,.......

我唔係唔想開放我的家,但鑒於屋企太多菌,唔想傳染比大家,

加上我屋企無時無刻都有人係度,所以暫時都係唔好黎我屋企小排......

呢排ge小排,都好心不在焉,- -     

好多好多野做,快d清晒佢!

今日,聽左好多Alan ge gag>v<

我同啊fei 味生日,已經諗緊要咩禮物,因為我地要屈Alan同Teddy送比我地,哈哈~

第五堂影班相,今次影得好開心.....

4哥指手畫腳,聰爺個句野好好笑,4哥仲要影到一半,調位影,哈哈...笑死

-------------------------------------------------------------------

駱sir上堂講錯左一個數,係佢睇錯lo- -

我同ching2 覺得唔妥,放學去問佢先搞清楚,唉~~

仲有maths堂,o個份野其實好簡單,但有個角係有兩個方向,

原來係我地諗深左,點知佢真係咁淺,早知就唔洗搞咁耐啦,= =

如果d老師搞清楚d,或者我地唔洗咁煩~~

今朝on duty,早左返學~撞倒一個初中弟兄,諗住叫佢啦,點知d人係咁逼埋黎= =

到落車ge時候先同倒佢講野,不過佢好可愛~鄉中的,唔記得叫咩名lu~

呢幾日有人黎學校睇堂,一打鐘要清場- - 

不過我都見唔倒有人黎,但校方大為緊張,仲拎住大聲公趕人入課室,好誇張!!

琴晚同紙巾傾左好耐電話,太多野傾喇~傾學業上ge野都傾左好耐,

紙巾,恩祺同我 f.3 o個陣成日一齊討論功課,為左一題數可以問成日,一齊努力,

互相鼓勵!學習氣氛超好,而家紙巾去左a班,我同恩祺都要努力呀!

紙巾係a班都可以進步,真係好,恩祺仲犀利,進得好勁!我完全可以見證倒!!真係鄧佢地開心~

睇黎我都要+油呀!好懷念一齊讀書ge日子^^

以前覺得紙巾好煩,因為佢好執著自己ge理念,我成日都話:算啦,唔好咁認真啦.

但佢真係鍥而不捨,佢o個種認真打動左我,佢對每樣野都好認真,所以同佢一齊我都會好認真,

有個咁ge人係身邊,真係好容易讀書!xd