今日週會,我地唔洗去,同啊sir傾河馬d野,我地真係頂佢唔順!!

啊sir叫我地寫信,今次我地黎真,真係正式寫封投訴信,thx金毛o個 3板紙,全部都係我地ge心聲...

英文堂,又提到河馬幾時走ge問題,佢話星期一唔返,我地以為佢走啦~代課miss唔可以代超過3個月!

點知副校狗到叫佢休一日假,再代過!!好不滿lo,咁姐係唔想幫我地搵返個正式ge miss 姐!!

我地諗住正式上書校長,不過d簽名唔夠,個個都反佢,但又唔肯簽名喎,就算冇用都可以表達不滿掛~

一於print出黎,加埋d家長簽名!!因為佢真係好有問題!!呢d老師問題都唔係第一次出現,唔可以容忍!!

啊sir幫我地同校長講左,果然係老薑!好勇呀佢,不過都唔知得唔得- - 只係話會處理,唔理喇,星期一繼續上書!!

上文學,a班d人個個都喊晒,我地以為佢地拍戲,點知黎真...原來係歐西發嬲,鬧miss yau.= =

d人覺得對miss唔住,喊得好悽涼,搞到我地都好尷尬><

 唉~就算d學生唔岩,歐西都唔可以鬧人地個老師家嘛..

我地聽完都好無奈,商中真係好多問題...= =

下晝,畢業禮採排,又係我地陪坐,好多野都執得好緊,校長躁左...

歐陽sir狂鬧school band d人,,旁若無人咁,鬧左好耐,d人好慘呀= =

不過皇上就訓左成個畢業禮,要黎sir嗌先識起身,校長面前都訓得著,勁!

今日週會遲左好多,又畢業禮採排,好多堂都係hea,幾乎成日冇上過堂~~

今日借左啊fei條頸巾黎帶,痴左好多毛毛係我地兩個身上,好搞笑~~

黎sir真係吹慣水,已經去到吹水唔眨眼ge地部....笑死我

d中史扯到鬼咁遠,結果兜唔返比人串,哈哈,上中史堂好relax...

今日又同啊siu去體育館餐廳,d野幾好食,好鍾意o個度d人同環境^^

好有心機為客人準備午餐係佢ge一大特色,個feel好正~

----------------------------------------------------------------------------------------------------------

話咁快又到冬季特會lu..今年好似幾好咁~

不過我味必去倒全期- -!!好期待個詩歌晚會同蒙恩見證...>v<

希望去倒啦!!~

今日天水圍有單車遊行,baba話有好多人~

今朝出門ge時候落左樓下睇,成個宏逸廣場塞晒人,人山人海,

好多記者同警察,好多人踩住單車,我係專登落去睇,因為真係好多人...

搞到遲左去聚會~~ >.<

__________________________________________________________

夜晚,哥哥,啊嫂同啊b過黎打邊爐,食得好飽-v-

都係肥牛同烏冬最好食^v^

飲左一啖baba同哥哥所謂ge好酒--拿破崙,,濁死我!超濃,好攻鼻!!好難飲...

算啦~我唔識欣賞...不過食得幾開心~~

啊sir親自調位,我同啊fei坐呀~哈哈,真係有緣....

又係好似f.3個位一樣,不過我地坐埋一齊會唔掂,一定笑到收唔倒聲~

 英文堂,河馬好火,發晒脾氣叫我地交功課,冇咩人做,勁鬧人,個個都諗緊點串佢...

Longlong今堂好正,係度串佢幾時走,唔係串嘴個種,係技術性擊倒,

真係好正,我一路聽一路笑,真係串得好有道理,,哈哈~~~

____________________________________________________

電話壞左,原來係禁壞左張卡,整返好喇,只係換左張卡...

可以用返喇~^v^ 真係好...

------------------------------------------------------------------------------------

我覺得我太依賴人喇,小小野唔明就唔去諗,一唔識就問.- -

當人地唔教我ge時候,就放棄左..

啊sir同我講,"你諗啦,你諗唔掂ge我先教你.我唔信你會唔識."

我以為我一定唔識啦,諗諗下原來有d野我係識ge,只係唔識去諗同唔小心...

其實我係做倒ge,靠自己,真係好開心!!以後我一定唔會再問d咁傻ge問題!!

張相係咪好靚呢?!呢度唔係落雪呀,係紅外線攝影ge效果,好正~

地下d雪係用電腦點上去ga,好真...

今日趕唔倒車,遲左d- -  搭下一班車,讓座比婆婆,佢竟然講多謝!

而家好多老人家好冇禮貌,個婆婆好好^v^

中文課好肚痛,成個人呆晒,我都feel倒我好唔掂= =

英文堂之後就冇事,因為笑死左xdd

我同葉玉去廁所,一出門口見倒關西,葉玉即刻跑返入黎,好彩冇比佢見倒,

唔係一定問長問短....一陣之後,Alan佢地又想去,我地諗住睇定d先出去,

點知alan好勇咁開門,關西咁岩行過,alan好似見鬼咁即刻山門,哈哈,佢個樣真係笑死我!!

文學堂,我同芷發現左,原來miss chan有本天書ga,冇左本野佢會死!!xd

_____________________________________________________________________

我地屋企近期注重健康,轉食紅糙米,將呢d紅糙米溝白米,

係硬硬地,但高纖維,好有營養....我覺得好好食~~

呢排媽媽煮多左好多青菜,少左肉,真正原因係物價上升,d肉貴左,0 . 0

所以啊媽話食清d- -    寡寡地,不過都係一個好開始!!