如果

我地唔一齊玩

甚至乎

我從未認識你

或者

所有問題都可以解決

大家就唔使咁痛苦

但係.....

已經太遲

冇得返轉頭la

自從你過左6B班之後

我地開始各有各玩

其實我一早就知

只係我唔甘心

係都要同你一齊

可能我太自私

剩係為自己....

以下係我地係MSN嘅對話

藍色字係我,粉紅色係佢

我打左BLOG啦,希望唔好令你咁hURt

我see下先

或者你講得岩,只係我一直冇勇氣講出

sorry

唔緊要

sorry

其實我一直都知,只係我唔想破壞呢段友誼,可能你會覺得我好衰,好自私,但係我再冇左你呢個朋友,咁係呢個世界上,就會剩低我一個孤伶伶咁生存落去,我真係唔想咁樣

sorry,我唔想咁話你,但與其大家咁樣落去,不如早啲了斷,我只可同你講句sorry,但我地仲係好同學嗎

雖然我地唔再係以前咁好朋友,但係無論係點樣,我地都係同學,朋友,可以係度講下笑,傾計,只係唔會再拖住手,睇邊個最快落樓梯,唔會再打開心扉,毫無保留咁傾心事

多謝你可以咁明白我,其實我真係唔想咁做,但咁樣對大家都唔好,可能真係hURt到你,但咁樣真係好辛苦架

我都明白.可能我早少少明白要放開手呢個道理,就唔使搞到自己咁痛苦,要係呢個臨別嘅時候,先講出自己嘅真心話,或者係你提醒左我,再咁樣落去,就好似一杯加左蜜糖嘅水,你唔理佢,佢就一直會淡,到都最後,就只會變成杯普通嘅水,就好似我地嘅感情,差少少就會變成一杯水,咁我就會寧願早少少放手,都唔想飲一杯普通水,所以我會明白你嘅感受

但我都會流淚,都會唔捨得,就算係我打果文章,都會有呢種嘅感覺,但未畢業就把自己嘅真心話講出來,會唔會冇咁好,我地嘅感情一日淡過一日,最後我真係好驚只變成陌路人

你話怕會怕變成陌路人,我都怕,只係遲早嘅事,但係我地始終都會大個,始終都會分開,我都會喊,我都唔想將我嘅心底話講出黎,我寧願將呢個心底話永遠收埋,唔俾大家知,自己痛苦好過大家痛苦,但係我地嘅感情一日淡個一日,好似一杯水,但係長痛不如短痛,如果我地係最後一日先講出黎,痛苦只會愈黎愈深,大家都唔想見到咁,倒不如依家了斷佢

我曾經有諗過挽番呢段感情,最後跟住時間慢慢咁流逝,連友情都變淡,我地仲會係同學嗎

我地仲係同學,但係我地個感情冇咁好