嘩．．真係好耐無寫過日記啦．．嘻嘻．．我懶嘛．．唔係．．應該係我做左野之後好忙．．之前就忙住考試．．跟住又忙住搵工．．連生日都過得極平凡．．係公司度過啦．．好彩仲有家姐們陪我出去食餐飯．．＾＾．．

　嘿．．既然親愛的開到口．．我得閒就打返幾句．．比你知我每一天都過成點啦．．哈哈．．

　做緊做野嘛．．有時都唔開心．．有時都ｏｋ啦．．但係我知做野係咁嫁啦．．亞ｈｅａｄ話我第一份工係佢果度做．．其實係好幸福嫁啦．．但係我又唔覺喎．．如果真係有心教．．就唔會比說話你聽拉．．但．．點都好拉．．吸收經驗咋嘛．．就忍下啦．．無野果時就大家都好．．有時聽到ｄ唔岩聽既說話就估一聲吞左佢囉．．吾係點呀．．

　今晚．．睇返亞爸以前影落既相．．好耐啦．．二十年前．．我果時仲未出世．．不過家姐出左世啦．．睇返距地以前．．個個應該都好後生拉．．但係以前既日子過得真係唔係咁好呀．．我地咁一代真係過得好好．．好幸福呀．．我地應該知足先係嫁．．

　亞媽以前個樣係點嫁．．比而加瘦ｄ．．黑ｄ．．但好肯定佢比而加辛苦好多好多．．自己一個人挨大我兩姊未．．咁多年來．．佢過得開唔開心．．為左我同家姐．．付出左佢既青春．．就係為左我地既生活．．由細到大都知亞媽好鍚我地．．就算而加都係．．我話要做野．．但係去到好遠．．距叫我唔好做．．但係我話要做．．因為我要吸收經驗．．我要搵錢．．跟住佢就話比我試下．．尋日．．我又比人鬧．．聽到ｄ說話令到我好難過．．跟住家姐同亞媽都話叫我如果做得唔開心就唔好做．．去做野但唔係去受氣．．慢慢搵拉．．但係我知去邊間都一樣．．同樣既情況一樣會發生．．冷靜落來．．其實都無咩野．．

　睇返ｄ相．．相比而加．．我真係好驚亞媽會老呀．．我大一歲．．亞媽就老一歲．．特別係而加返開果份工．．好多都係照顧老人家．．雖然而加亞媽都好健康．．仲好ｆｉｔ．．年年都係差唔多樣．．但係人都係會老嫁．．如果當亞媽老到需要人照顧果時．．我點算．．我會好難過．．我真係唔想亞媽會老呀．．如果世上真係有長身不老藥就好啦．．我可以一日一日咁大．．但係亞媽就日日都係咁既樣．．世事有咁完美就好啦．．

　雖然平時都鍚亞媽．．但而加唸返．．其實未夠好．．有好多時．．亞媽鍚我仲會發佢脾氣．．一有唔開心就發脾氣．．但係由而加開始．．我會好鍚好鍚媽咪嫁．．如果愛情同親情比我揀．．我覺得親情係絕對重要過愛情．．原來做左野睇既野真係會唔同ｄ．．唔怪得家姐做野之後會鍚亞媽啦．．唔似得以前咁頂咀．．仲未發過亞媽脾．．結婚仲要同亞爸亞媽住．．

　人要長大．．懂得學會珍惜．．難道就一定要經過社會的磨練？