今日又要跳繩啦，
聽日就要比賽，好驚呀！
我唔係嫌練繩煩呀，
而係o個兩個Leader煩呀！！

講起就頂唔順，
自己又唔跳，
又話我地跳得差（我地已經好左好多）
其中一個，因為自己的脾氣、面子
趕走左兩個跳得幾好既男仔，
我地練習，佢坐埋一邊，玩手機、聽歌，
我地練到身水身汗，問佢地下次幾時練，
佢地答：唔知呀，唔關我事架潘！！
好心佢地啦，好煩呀

咁今日，就要係老師面前試一次，
咁梗係超差啦，
我地只係度練花式，
佢地一句關於出場既次序都無講，
但係佢地仲好惡咁話：咪講左lo~
Miss係中間叫我地停落黎，
問我地練左幾多次
個兩個所謂的Leader爭住話，
練左好多次啦，係佢地....（訴說我地不是）

我地唔係佢地既扯線公仔，
唔係話左去左呀，
就算幾好脾氣既人，
都會發脾氣架！！！