總係覺得自己唔夠人地勤力,,

見到我考試期間仲好似得閒冇事咁上黎打日記就係一個典型例子,,

嗯..　我承認我真係冇心機溫書呀,,

雖然話就話半個月前就開始溫書,,　但都好冇乜溫到入腦,,

通常都係溫ｄ考試前一日會溫唔晒果ｄ科,,

但係見到人地好似科科都已經胸有成竹咁,,　我就覺得好奇怪,,

點解人地咁早溫,,　到考試果仲會記得既？

如果係我,,　我就一定唔記得晒ｄ野,,

唔知你地試過未,,　之前有一次HST考試我學人地抄Notes溫書,,

但點知到考試果日,,　重喺個位度,,　個腦一片空白,,

空白,,　係空白,,　你明唔明空白係咩意思？

即係話,,　我對果份卷上面ｄ問題既答案一ｄ印象都冇,,

由果刻起,,　我就知道抄Notes既溫書方法唔啱我,,

老實講,,　諗番起果種感覺,,　真係好恐怖,,　（汗）

呢排溫書溫到我就黎傻左,,　對住一大堆雞腸,,

眼都花埋,,　個口開始有ｄ痙攣,,　因為成日嘰哩咕嚕咁背野,,　（誇張）

決定左揀咩科啦,,　我諗住要揀文商,,

唔知點解好多人聽到我咁講之後都嚇左一跳,,

可能我之前一直信誓旦旦咁話：揀咩科？緊係揀理科啦,,

但諗清楚之後都係文商比較適合我,,　始終背野算係我既強項,,

而且理科既所有科我都唔鐘意,,　廢時誤左自己前途,,

更何況我兩個家姐都係會計出身,,　對比起黎,,

我似乎讀文商更加有出路,,　究竟有冇揀錯科我唔知道,,

但起碼唔洗讀自己唔鐘意既科先啦,,

人生苦短,,　都係及時行樂為上策,,　何必強求自己要成材呢？

可能你覺得我冇大志,,

如果因為有大志,,　而令我做人做到想跳樓,,　或者會更得不償失　（？）