「回過頭來就看到你一直在等我，感覺真好。但是，這種不可能是永遠的吧。」

啱啱洗完頭出來,,　呼∼　好舒服哩..　當然,,　你睇到呢篇日記既時候可能已經係我洗完頭之後好內既事。　（那麼說出來的意義在哪裡？）

番學既時候經常性會做埋晒啲好無聊既野,,　今日就同*粉麵飯佢地有好無聊既對話。　（算家常嗎？）

FU有啲似Lucky Star哩..

以下內容屬家長輔導級。

－－－＊－－－＊－－－＊－－－

事情緣於今日Kai豪請我地食呢隻糖↓

嗯,,　真正果粒已經食鬼左,,　呢張野係網上搵番黎..　（笑）

粥（本人）：記唔記得呢隻糖有一系列呀？

麵：咦？好似係喎..

粥：嗯嗯！有熱狗啦、Pizza啦

麵：熱狗好似有見過哩..

粥：咦？冇食過咩？就係一個獨立包裝度有兩舊咁呢..（開始指手劃腳）

飯：麵都冇食過熱狗？記得Pizza係有六舊呢..

粉：漢堡比較常見啦,,　好似出得比較多

粥：感覺上食漢堡會抵食啲哩,,　分開三舊

粉：好少見到人會成舊咁食,,　好快就食晒

粥：...事實上,,　分三舊都好快食完..

飯：係你食糖快吧..

－－－＊－－－＊－－－＊－－－

飯：你地食批或者撻既時候,,　會食個餡先定食個皮先？

粥：會食左餡先吧..

飯：咦？我食皮先耶,,　我鐘意食個皮

粥：其實我食完個餡會唔要個皮,,　有時阿媽會幫我啃左佢..　如果唔係都會揼

飯：咦？？點解呀？個皮好好食喎..

粥：我以前唔鐘意食皮嘛,,　最近都會乖乖地食左佢

飯：曲奇皮定酥皮好食啲？

粉：酥皮

粥：曲奇

飯：我鐘意食曲奇皮多啲

粥：感覺食酥皮會食到成個嘴都係..

粉&飯：你點食呀？

－－－＊－－－＊－－－＊－－－

中史堂

芳芳：...（上刪千字）...屹立不倒..

粥：男仔都..$#%"　（喃喃自語）

飯：咩呀？你講咩呀？你再講多一次

粥：唔要..

飯&粉：快啲講啦！

粥：唉..通常男仔都好重視「屹立不倒」..　（請自行註釋）

飯&粉：......

粥：男仔最怕「一跌不起」吧..

飯：「一蹶不振」先啱吧..

粥：哎喲∼「一跌不起」都啱啦！

飯：錯就錯啦你..

粥：嘿嘿　（笑）

飯：最唔鐘意鬧完人之後,,　比人鬧果個仲要笑騎騎,,　鬧得好唔忿氣..

粥：嘿嘿　（仍在笑中）

飯：......

－－－＊－－－＊－－－＊－－－

放學

粥：超人打怪獸果陣咪會踩冧晒啲樓既..

飯：嗯..之後呢？

粥：咪會踩冧晒啲樓既..咪會踩冧晒啲樓既..

粥：咪會踩冧晒啲樓既..咪會踩冧晒啲樓既..

飯：係呀！你講左好多次會踩冧晒啲樓啦,,　你究竟想講咩呀？

粥：咁超人著果件衫腳板底果度好似好薄架嘛,,　咁踩冧啲樓果陣咪會好痛囉？

飯：嗯嗯,,　佢果件係緊身衣,,　緊身衣

粉：哈哈

粥：可能啲樓係發泡膠整,,　用發泡膠整所以冇咁痛

粉：但踩落啲樓都會''un'住　（請自行解讀''un"）

粥：嗯,,　都係呢..

麵：好好奇點解可以拍得咁真實,,　好似真既一樣..

粉：用特技吧,,　麵諗既野好認真呢

粥：呵呵

粉：超人打怪獸三分鐘就會嘟嘟嘟..

粥：三分鐘番宇宙哩..

飯：超人有分好多個哩,,　都唔同名..

粥：最出名果個應該係超人迪加

粉：仲有帝拿..

麵：咦？有帝拿咩？

粥：有,,　仲有唔同色,,　紅色,,　藍色..

飯：有啲係紫色

粥：有啲係一忽紅一忽藍

飯：唔明超人點解咁出名

粉：因為陳奕迅果首歌吧

粥：可能超人出名既原因就係銀河唯一的秘密..

飯：銀河唯一的秘密就係超人為何出名..

粥：謎..

飯：謎之超人..？

粥：嗯嗯..　其實比超人打果隻怪獸都幾可憐..

飯：點解？

粥：著住件咁既衫仲要比人打,,　最後仲要訓喺啲碎屋度..

飯：哈哈

粥：怪獸其實點樣黎？

飯：點知..　超人點樣黎？

粥：宇宙黎的吧..

飯：你點知？

粥：我見佢都由宇宙飛黎,,　佢打完怪獸又會飛番去

飯：其實點解你會知得咁清楚..？

粥：......

－－－＊－－－＊－－－＊－－－

打完上面堆野之後發覺好似不停暴露自己白痴既地方..　（愣）

*粥粉麵飯：我同班FD之間改既代號,,　一要講起我地四個,,　叫粥粉麵飯就搞掂,,　方便快捷順口。