「小時候渴望長大,,　長大後想變回小時候,,　在什麼時候,,　我們會有跟現在完全不同的想法呢？」

今年既Music Day最開心,,

好多人就係因為咁而一舉成名,,　（笑）

震音王真係好勁呀,,　就算輸左都好,,　我都仍然崇拜佢喔！　呵呵..

雖然全部Form.6入晒總決賽,,　諷刺既係,,　一班都攞唔到獎,,

所以謂,,　世事難料哩∼♬

1A今次係唱「Children of the World」,,

攞到獎係實至名歸既,,　呵呵,,　有ｄ懷念果陣添。

放學果陣,,　同阿傅、阿霈、Yvonne一齊行路番屋企,,

因為阿霈屋企同我地唔同路,,　佢途中就離開我地,,　孤獨一個上路,,

咁我地就並排三個咁行番屋企,,　行左一陣,,

突然聽到阿傅自言自語,,　好奇一望,,　原來佢同緊一個智障人士傾計,,

果個人不停咁問阿傅問題,,　阿傅就同佢一問一答,,

各位並唔係在場人士,,　可能覺得冇乜野,,

但係果一刻,,　果個情景真係好爆笑,,　並唔係笑果個人,,

係笑阿傅唔知點解會同一個陌生人傾得咁開心,,

後來問番阿傅點解,,　佢答：咁人地同你講野,,　要應下人地嘛,,

呵呵,,　笑死我,,　之後我見阿傅仲慢吞吞咁行,,　就叫佢行快ｄ,,

點知果個人仲跟住我地跟到實,,　我地快時佢又跟住快,,

Yvonne終於頂唔順,,　同我地講佢要番屋企先,,

留低我地同果個人,,　阿傅呃佢我地住喺第二度就拉住我走左,,

原來果個人係住喺阿傅樓下,,　我問佢：「你咁驚佢,,　你做咩要同佢傾咁內計呀？」

佢答：「我有愛心嘛」,,　奇怪..　有愛心,,　但又要避開人地,,

呢件事可以收錄喺《放學後之奇遇記》。

P.S. 阿傅從此多左個名叫「愛心之『傅』」。