「時光如沙，可曾磨去了你心中最珍惜的東西嗎？」《誅仙》

（全篇日記的前大段皆屬《誅仙》推薦文,,　不愛看可直接略過XD）

－－－＊－－－＊－－－＊－－－

最近超級鐘意睇《誅仙》呢部玄幻小說,,

已經好內未試過有咁鐘意睇一部玄幻小說既心情,,

其實呢部小說基本上都歸納為言情小說一類,,　因為佢有好多情節都係講愛恨纏綿,,

但亦不乏精彩既打鬥場面,,　情景描述詳略得宜,,　唔會太累贅亦唔會覺得太空泛,,

初初睇既時候都以為會以林驚羽為主角,,　點知係張小凡,,

果然人如其名,,　平凡到我忽略左佢..XD

隨便幫忙推銷小齊既新專輯：《如果沒有你》,,

一邊聽住收錄喺小齊新專輯既《誅仙戀》同《誅仙，我回來》,,　一邊睇《誅仙》,,　感覺超正,,

仲有其他好好聽既歌都收錄喺呢張新專輯,,　例如：《她要我她不愛我》、《如果沒有你》等等,,

小齊係我最鐘意既內地演員之一,,　唔知係咪因為我好鐘意睇果套由佢主演既《笑傲江湖》呢？XD

睇過《誅仙，我回來》既完整MV,,　都拍得唔錯,,　略嫌張小凡既「噬魂棍」整得有ｄ假..

整體黎講都好好,,　推薦！

如果有興趣,,　可以去《誅仙》官網睇。

本來想玩《誅仙Online》,,　不過諗到又要安裝又要搞好多麻煩野,,

之後就冇玩嚕..　原因只係因為我人懶..　仍然向大家推薦呢隻Game,,

《誅仙Online》喺3D人物同情景設計方面落左唔少功夫,,　如果鐘意ｄ有視覺享受既朋友,,　《誅仙Online》可算係不錯既選擇,,

而且因為《誅仙Online》係由《誅仙》（小說）延伸出黎既遊戲,,　如果睇左《誅仙》既朋友,,　更加可以更快投入遊戲當中,,　享受雙重樂趣！

－《誅仙Online》官方標誌。

－本來預計張小凡會更美形,,　畢竟係迷倒不少美人嘛..XD　略嫌官方畫得佢個樣太老成..＝＝”　反而係「噬魂棍」畫得比我想像中更加靚,,　「哪裡還看得出是燒火棍..」XD

－官方畫既碧瑤,,　完全冇妖媚既感覺..

－官方畫既陸雪琪,,　小說寫到佢係出塵既絕色美人,,　應該係碧瑤那個圖比較似吧..　（還是我中書毒太深？！）

－－－＊－－－＊－－－＊－－－

番黎現實世界,,　今日！今日！今日！今日終於考完試啦！,,

猶如放監既犯人,,　脫籠既飛鳥,,　自由終於重臨大地！XD

會太誇張了嗎？　絕對絕對不會,,　橫跨兩個星期,,　歷時46800秒既浩劫至此結束,,

雖然仲有TSA,,　但係呢ｄ都唔會阻到我因熱切渴望而奔向自由既心！XD

放左學之後,,　同Katie,,　嘉慧,,　李霖,,　Water一行五人一齊去左《海港》飲茶,,

有我同Katie喺度,,　已經可想而知果陣既場面係點,,

喪笑、喪玩係絕對唔會少既環節,,　仲差ｄ反枱..　李霖不停倒瀉茶..　場面混亂..

Katie一直都好鐘意喺某十八禁話題打轉,,　每次拉開左話題之後,,　都不自覺咁講番果個話題,,

不過,,　有一件預言有好事發生既事發生左,,　就係我飲果杯茶有枝小茶葉浮起左呀,,XD

日本果邊講,,　如果杯茶有ｄ茶葉浮起就代表會有好事發生,,　唔知係咪真既呢？

最尾臨走果陣仲好乖咁幫手堆晒ｄ野喺一齊,,　應該擺埋一齊同唔應該擺埋一齊既野都堆埋一堆,,　「方便」阿姨執枱..XD

喺一期遇到小Yan子,,　佢奸奸咁塞左兩把長遮比Water之後就逃走左,,

Water超級無奈,,　唯有拎左去詢問處,,　詢問處ｄ人神情尷尬..

之後去左公園玩左陣,,　本來仲落左場雨,,　但去到公園果陣陽光超猛,,

曬到就黎中暑,,　個頭熱到差唔多可以煎蛋..XD

過左陣又去番商場,,　玩升降機,,　玩猜包剪槌落樓梯,,　玩試眼鏡,,　所有無聊事都大玩特玩,,

玩到攰就去左M記食雪糕,,　無端端傾起電鑽既話題＝＝”

不外乎又係ｄ十八禁話題,,　但愈傾愈開心,,　笑到收唔到聲,,

出到商場門口見到巴士黎左,,　就勿勿同佢地講掰掰,,　搭車番屋企,,

行番屋企途中突然醒起好似有張用黎升中四既學生證唔知放左去邊,,

好彩最後搵番,,　果然係果杯茶既預言應驗左,,XD

唔知你地果張學生證又有冇唔見呢？　快ｄ去搵番啦..XD

－－－＊－－－＊－－－＊－－－

考完試之後,,　一口氣打左咁長篇文,,　元氣大傷,,　要去休息下..XD　（完全中了武俠小說毒）