「轉了三百六十個三百六十度的圈，開始有當天聽到自己怦然心跳和暈頭轉向的感覺。」

星期六終於去左睇《史力加3》,,　雖然只得一個鐘頭多少少,,

但好爆笑,,　童話故事既人物都變得現實左好多,,　公主變得冇咁清高,,

諷刺童話諷刺得好爽,,　少左虛假既感覺,,　多左坦率咁表現自己最真既一面,,

今日個社際戲劇比賽好無聊,,　坐到我頸又痛,,　屁股又尖埋,,

知道兩位MC已經好努力咁想炒熱ｄ氣氛,,　但佢地不停咁講ｄ連爛Gag都算唔上既野,,

其中一個MC仲要有ｄ口齒不清,,　我已經算係坐喺好前既位置,,　都要好辛苦先聽到佢講乜野,,　更何況後面ｄ人？

做MC最忌講野唔清楚,,　好睇極有限哩..

知道阿聰負責打燈光,,　所以特別留意ｄ燈光效果,,　嘿嘿,,　打得唔錯喔,,

睇左《都市日報》,,　見到小綜剪左短頭髮同林依晨雙雙黎港宣傳《惡作劇之吻》,,

短頭髮既小綜超可愛,,　連一直唔鐘意小綜既Christina都讚佢型仔,,　證明小綜既新造型係掂既！

下晝去左葵涌睇醫生,,　好遠,,　轉車轉到我傻左,,

見到間叫「眼鏡83」既眼鏡舖,,　成個人啞左,,　佢係想令人誤會做「眼鏡88」嗎？

發覺NDS十分在行侵略人腦,,　每次我玩完一局既時候都會再諗番點樣可以攞多ｄ分,,

一得閒就喺度諗,,　Game既畫面喺個腦轉黎轉去,,　好似中左毒咁,,

不能忽視NDS既可怕..