「當我開始對你的樣貌有點印象模糊，是否代表我可以忘記當時心臟的悸動？」

自從入左4B班之後,,　以前同班既朋友都會問我：B班ｄ人係咪好難相處、好黑人憎呀？

雖然未到「黑人憎」既地步,,　但大概都冇咩好感,,　可能因為妒忌,,　可能因為偏見,,

事實上,,　佢地真係有令我無法喜歡既理由,,　當你嘗試同佢地講下笑,,　稍微玩得癲左少少,,　佢地望住你既目光開始有ｄ改變,,　就好似喺佢地眼中,,　你形同怪物..　（汗）

佢地「品格純良」,,　充滿所謂既「正義感」,,　對學習懷住「滿腔熱誠」,,　我喺當中似乎格格不入,,　甚至經常覺得自己入錯班,,

可能亦因為自卑心態,,　佢地彷彿永遠高你一等,,　面色總係有得比你睇,,　青紅黑白泛泛齊..

當然,,　同佢地相處亦有唔好處,,　例如有野唔明,,　求其問下隔離位果個,,　一定答到你問題,,　而且必定詳盡,,

再例如,,　你同佢地同組做報告,,　唔駛驚份功課會交唔到,,　實會有一兩位主動做好左,,　兼且係離Deadline早幾日已經完成好,,

總括黎講..　有好有唔好啦,,　不過最多都只會成為普通朋友,,　能夠成為好朋友既機率係0.0001%。

家姐喺廈門買左本簡體版《哈利波特７》比我,,　入面ｄ角色譯名完全睇唔明,,　上網查左好內先知係邊個..

妙麗譯左做「赫敏」、跩哥譯左做「德拉科」、石內卜譯左做「西弗勒斯」..　救命,,　點鬼知邊鬼個咩！

P.S.　希望能夠順利睇晒成本《哈利波特７》！