「這幾天來頭暈目眩，是發生了什麼事了嗎？」

尋日玩左成日,,　玩到成個人都散左,,

去左麗都灣玩水,,　本來都唔諗住落水,,　因為呢幾年超級怕水,,

加上麗都灣既海水已經受污染,,　不宜落水,,

但係比班朋友講多兩句,,　最後都係跟埋去玩水,,

對腳浸落ｄ海水度,,　冰冰涼涼既感覺好舒服,,　有一刻甚至覺得如果可以一世都咁舒服就好啦,,

當然,,　這是不可能的吧,,　（笑）

一個唔小心差少少就比ｄ浪沖走我對拖鞋,,　笑到我班朋友肚痛,,　好好笑咩？！　（笑）

玩水既時候見到好多垃圾飄埋岸邊,,　真係咩類型既垃圾都有,,

有媽咪麵既包裝袋,,　有米粉包裝袋,,　有斷左半截既拖鞋,,　有未拆包裝既即沖茶包,,

仲有..　保險套一個,,　ｄ人去沙灘究竟係做ｄ咩呀..

某朋友原先係想帶沙灘排球,,　點知帶錯左個排球黎,,　打到我地對手超痛,,

打打下仲當球踢＝＝”　十分無言的說,,

之後就去左葵芳既新都會廣場Pizza Hut食Pizza,,

好多人喺度等位,,　有個人喺門口嗌號碼,,　搞到好似茶樓咁,,

終於等到有位坐,,　叫左個滋心批,,　扭扭批,,　同千層肉醬闊麵,,

食完個滋心批同扭扭批都已經飽到濟,,　再食埋個千層肉醬闊麵,,　飽到上喉嚨,,

雖然係咁飽,,　但大家仍一致唔放棄,,　食埋個忌廉泡芙,,　終於宣佈舉白旗,,

然後就去左果度既遊樂場玩,,　果度只限五歲既小朋友入去玩,,

不過我地見冇咩人巡就偷偷入左去玩,,　足足比果度ｄ小朋友大十歲,,

果然心智上差唔多年紀都可以好融洽咁一齊玩,,　玩完果個轉轉既野（唔知叫咩名）之後個頭勁暈,,

跟住就比ｄ朋友拖走左,,　拜別呢個令我樂而忙返既地方。

「信心十足固然是好事，但如果可以替自己留條後路亦未嘗不可。」

終於派完卷啦,,　一個考試,,　好似道盡人間情咁,,

有人喜,,　更有人悲,,　有苦自己知..

我考成點,,　大家心照啦,,　唔好再提啦,,XD

今日聽到朱玲要走果陣,,　有ｄ眼濕濕添,,　雖然平時成日都講佢壞話,,

但其實喺呢學校,,　我都算幾鐘意呢個老師,,　希望佢未來一帆風順！

今年好似好多人要走,,　校長要走,,　朱玲要走,,　Ms.魏要走,,　魏某要走,,　心媚姐要走,,　仲有唔知邊個要走..

下年當真要黎個一百八十度大改變,,　物是人非？　（不捨）

呼,,　今次真係可以鬆一口氣,,　享受黎緊閒得發慌既日子,,

如果冇記錯,,　好似喺第三日既試後活動已經有得睇Fashion Show,,

咁令人期待既日子緊係放喺最尾果日架啦,,　擺到咁前,,　之後果ｄ日子點過呀？

考慮緊帶唔帶大富翁番去玩好,,　因為副大富翁又唔係好大副好好玩果隻,,　唔知會唔會有人想玩＝＝”

今日喺A班開左自己個Blog出黎,,　比人讚整得個Blog唔錯,,　嘿嘿！　（陰險XD）

成功將《誅仙》呢個訊息傳開去,,　好多人都好有興趣試玩下《誅仙online》哩,,　開心！

呵呵,,　又係既..　《誅仙》咁有吸引力,,　連算眼角高既我都比佢吸引住,,　點會唔受歡迎呢,,XD

《誅仙》好似就黎大結局啦,,　希望我可以快ｄ睇晒成套小說啦,,

為左唔好miss左《誅仙》裡面任何一個細節,,　我宜家既進度十分之慢..　愛死《誅仙》了！♡

P.S. 希望你唔好再為成績擔心啦,,　永遠在你身邊支持你！