「不是我不想真心去原諒，而是那天在心裡留下的傷痕還沒有復元，是一個你沒法想象的傷痕，是一個我至今回想起仍會氣憤的傷痕。因為當天被傷害的始終都不是你。」

今日既口頭禪係：「好熱呀！真係好熱呀！」,,

即使係任性既說話,,　仍然想講一句：冷氣機係世上最偉大既發明,,　我完完全全向炎熱屈服了,,

比起熱死,,　我更鐘意凍死,,　唔係一時意氣既說話,,　我係真心鐘意「凍」,,

學生永遠都對學校有好多不滿,,　我亦唔例外,,

我唔滿意佢強迫我做水運會既觀眾,,

我唔滿意佢強迫我喺炎熱既天氣底下仲要著長褲去番學,,

我唔滿意佢強迫我喺呢個年代仲要指定著中腰或高腰牛仔褲,,

我唔滿意佢竟然安排一個小小既游泳池觀眾台比差唔多幾百個學生迫埋一堆咁坐埋一齊,,

太多既不滿令我喺呢個既天氣底下情緒更加暴躁,,

有時會疑惑眾多既規矩係黎規範學生既行為舉止,,　或只係建立老師們既威嚴,,　定係純粹要令外人睇到我地學校係「有規有矩」呢？

唉,,　愈打愈激氣,,　怒氣過後又是一片天晴。

Water今日又做左KAI野,,　呵呵,,　面都紅了哩,,

其實最KAI既係跟住我地上頂層既果兩個人,,

真係諗極都唔明,,　點解會有人咁傻,,

可能只係比Water既魅力吸引住,,　為得美人心,,　願意做傻柑,,　（又一爛Gag）

P.S. Smoke今日正式加入「爛Gag.Club」,,　恭喜！恭喜！

「小孩總是抬著好奇的眼睛左顧右盼，成為大人的我們，只有學懂別過臉去才會擁有幸福。」《夢中消失》

尋日張通告放左落家政個袋度,,　就唔記得攞留出黎,,

搞到我朝頭早仲要落DT室攞番張通告,,　（據某人既小道消息,,　DT室有一堆通告可以攞）

落到去之後,,　見到有堆通告就求其攞左張上班房,,

點知攞錯左,,　攞左張中二去科學館既通告,,

因為張通告既樣式同原本果張差唔多,,　所以原本都諗住想蒙混過關,,

不過,,　好衰唔衰就衰在通告上面個校務處印章同原本果張唔同色,,

加上某人恐嚇我：如果比人捉到都只係小過啫,,　唔駛驚啦！

就放棄左要交假通告既念頭,,　好彩,,　原來可以lunch先交番,,

所以recess又落去DT室再搵張通告,,　今次有徐玲陪我,,

因為原來佢同我一樣將張通告放左落家政個袋度唔記得攞,,

但係DT室除左中二果張通告就再冇其他通告既踪影,,

好明顯係某人報錯消息所致,,　我地兩個唯有去校務處買通告,,

又唔記得今日係English Speaking Day喎,,

搞到我地企喺果度同果個miss雞同鴨講咁,,

幾經辛苦先攞到張通告,,　一段充滿波折既上午終於告一段落。

又鐘意番睇韓國既綜藝節目,,　真係好好睇,,　韓國是最棒的！

多謝阿霈送左張東方神起既Yes!Card比我,,　張卡好靚呀,,　我超級十分鐘意呀！＞ｗ＜

最近,,　葉美超級十分好人地借左林詠琛既魔幻探偵系列比我睇,,

雖然只係睇到第三集《夢中消失》,,　但果然不失我所望,,

巫馬果然十分帥,,　唉,,　如果佢喺《歌中消失》裡面冇消失到就好啦,,

係作者壞心眼,,　故意唔比巫馬同孔澄喺埋一齊,,　定係佢地根本就唔適合相愛？

即使想每本書都有一個最特別既結局,,

但最後,,　仍然希望係一個大團圓結局,,　如果唔係,,　總覺得有ｄ失落,,

如果可以,,　我係希望作者賦予巫馬同孔澄一個相愛既結局,,

當然,,　小說既結局始終都掌握在作者手中,,　並不是我所能左右的。