好內冇寫Blog啦,,　今日高皓正阿生黎我地學校分享,,

話就話分享,,　其實就係吹吹水,,　加埋大爆自己以前既「性史」,,

高皓正係乜水？　咪係《東張西望》既MC囉,,

聽講高Form既ASS仲激,,　佢講ｄ野仲更加露骨,,

好想聽下佢講咩呀,,　有冇人錄低左佢講咩呀？　（笑）

大家知唔知邊個係蠟筆小新既配音員呢？

原來就ｋａｔｉｅ呀,,　佢真係扮得好似呀,,

＞＜笑到我肚痛..

唔知係咪因為ASS既關係,,

大家突然之間好雀躍咁不停傾關於性既話題,,

真係聽到我啞晒,,

原來大家都係平時斯斯文文,,　其實一傾開就好Open既..

阿媽買左樽「刀嘜」花生油,,　跟住贈送左一個迷你「刀嘜」錢罌,,

真係好得意呀！　↓↓↓

好似影得矇左少少,,　有機會先再拎個實物比大家睇。

哈哈,,　終於下載到Windows media player 9啦！　（笑）

大家以後可以喺ｍｓｎ見到我聽緊咩歌啦,,　呵呵,,

某甲：其實好多人很久很久以前就識咁用..

依米：哼,,　總之我宜家識用就得啦,,　你管大海呀？　咁諸事八卦！

好啦,,　睇完以上既對話之後,,　請大家以後比依米一個落台階,,

仲記唔記得以前我向大家推介既韓劇《My Girl 我的女孩》,,

應該有乜印象啦,,　竟然,,　竟然,,　比我知道TVB買左呢套戲,,

諗住過一排播出街,,　本來係應該令人開心既事,,

因為套劇真係真係好好睇,,　我仲翻睇左四次添呀！

但係！　竟然,,　竟然,,　亦比我知道左TVB某位人兄幫套戲改左個爛名,,

「大話妹」！就咁誕生左,,　真係真係啞晒囉..

隨此之外,,　配音把聲仲要「勁好聽」,,　直情聽到我心都酸埋..

一部好好地既劇比TVB摧殘到咁,,　都算TVB頂呱呱,,

唉..