雖然今日放假, 但呢排好忙, 一埋明知要做既野湧左埋黎...出卷, 音樂會, 交功課, 做教案, 下星期觀課, 要出野俾學生溫習...

尋日音樂會完啦, 不過完之前都夠我地(尤其係做得野既老師...唔好怪我自大, 個問題係真係有好多人係廢既, 只係個人, 個驅殼出現, "someONE" like 我一個可以頂3個...)受, 跑上跑落, 看住d學生, 幫佢地check住d野, 看秩序等等...搞到我今日訓左10個鐘都累到死......

不過開心既係我睇過幾個學生都算乖, 有交帶, 唔洗我好勞氣~ 而且有一個好似泯光既學生, 佢又活潑, 好開心, 雖然我冇同泯光補習都有成年啦~ 不過我都重係好掛住佢呀~ 冇法啦~ 我就係有咁既"媽媽"性格~ 總是記掛d小朋友~ 但係呢位似泯光既學生(五年級), 佢好似冇乜俾人讚過, 看似好開朗, 但實際係被稱讚呢方面係有點唔開心, 所以我成日搵到機會就同佢講"咁叻既你". 重同佢講"梁老師第一日(正式)識你, 我冇覺得你唔乖過, 而且覺得你係乖的, 更加可以更加乖" 當然, 我唔會咁天真以為我講一句佢就可以開心返哂, 但係希望佢知道自己做得好, 係會有希望的~~~

我教書就係想係呢d時候給我既學生一點點既支持~~~ (雖然可能有大部份都係俾我踩居多......真係要真認改改...)

所以總括呢講, 昨天都係忙得快樂既一天~

期望明天會更好啦~~~