話說近來的閒暇節目都係打機, 睇劇, 同聽歌.

呢兩日睇緊套日劇. 呢套野主要係講兩個30歲女人的感情生活~ 有d似外國電視劇啦~ 不過橋段冇咁大膽囉~

當中, 見到女主角對自己30歲了, 但是否真的思想成熟及對結婚(佢唔想結婚)的見解, 都幾有趣~

再睇睇佢成日為份工, 為朋友, 為自己既戀情而煩惱, 特別有意思~ 有時幾發人深醒~

等緊睇時, 聽下歌, 聽到楊千化既「別阻我開心」就更加多野諗~

聽落好鍾意呢首歌, 歌曲同歌詞都arm哂我口味, 將會整佢做我手機鈴聲~

想着想着, 就想到現在目標是可以唔理周圍既野, 只過自己想過既生活, 只做自己想做的事, 只以自己的步伐過每一日...如果呢一日真係黎到, 會唔會好似日劇第二女主角咁, 發現目標已經達到, 「生活」將會變得無聊頂透? 一度視為人生最大目標的目標會否只是過眼雲煙?

那麼現時這一刻, 追求所謂的目標的價值在那? 只為完成現在的目標, 再去追下一個目標?

不喜歡那些喜愛金錢, 每天只為賺錢永遠不滿足, 每天都在想如何賺多些錢的人; 或那些每天都要別人羨慕他, 覺得他高人一等的人...會不會其實大家(包括我們自己)都只是每天追逐着不同的目標罷了...只是覺得他們的目標較為市儈而不喜歡他們吧~ 但, 自己的目標又有多「清高」呢?...

有時, 睇化都未必係一件好事....