嘩! 原來n個月冇更新日記啦!

近排呢都重係忙到飛起! 重要有d非常難解決既學生~

我成日得罪左個小六生~ 佢成日話我對佢唔公平.... 唉! 我何嘗唔想做到好似法庭咁公平公正呀....我從來唔鍾意針對任何人, 因為咁樣對雙方都絕對冇好處, 亦令雙方難受.

但係有時上緊堂, 一路要做野, 教書, 重要留意每個人做緊咩, 有冇唔乖真係好難, 我自問未到"一眼關七"既境界......有時話漏一兩個人, 佢地靜靜雞玩我真係未必知.....但係咁就會俾人話"唔公平", 真係左右做人難.....

點解d小朋友總是不能體諒老師, 總是以為老師是萬能! 應該做到佢地心目中你應該做到既野...

有時諗到咁, 就真係覺得好委屈. 我又唔可以話佢講既野唔arm, 我係真係話漏左某d人, 但係我既能力真係唔能夠容許我一路做野一路睇哂所有人.....

當然係有解決方法, 如叫個同學幫我"責名", 但係通常就變左負責"責名"的同學被同學仔話佢唔公平.....那麼, 我只是找了個人代表我被人話"唔公平"......愈高年級就愈有呢個情況~

唉! 每諗到呢到, 就有點心灰意冷...

再加上今年教d學生真係"皇帝唔急太監急", 我不斷幫佢地做好多野, 但係佢地就唔理唔理.....真係好唔開心.....究竟教書為乜....我唔想終有一日變到好似社會上認為既老師: 讀書唔成, 又想有好人工咪去做老師囉.....

哈~ 不過以我健忘既性質, 過一排應該會冇事~~~ 呵呵呵~~~~