今日又係要練艇o既星期六,即係又要返630, 結果一如預料, 515真係起唔到身...
530...545...550終於都撐得起個人喇...依...呀 ~! 望一望隻錶,即刻成個人彈左起黎, 由床上飛左落地。 擦牙洗面用左2分2 8秒之後拎住盒奶同袋衫, 著返對拖鞋就跑去搭巴士(張全月通oc借左俾外星人1號作會考交通之用,所以唔搭馬鐵)
o係明星海鮮舫度落左車,跑左好耐先返到去...645始終都係遲到...
好彩阿田要讓班 "大佬" 做 "2222" 先(即係4轉2km maximum), 唔係我可能要1個人落single同其他人o既double同four劈餐飽...
練完第一節之後跟大隊去左波記大排檔食早餐,例牌牛腩魷魚油麵加沙爹汁飲可樂... 成班友仔o係度係咁講鹹野, 攪到我都唔知食唔食碗麵好-----咁鹹.....
之後返返艇會, 我就"懶"醒咁去拎左成疊墊上天台,點知唔洗做果200下sit up...多此一舉...做完gym又要拎返落去...
點知我地做完gym之後阿田都唔放過我地, 要我地o係機上邊做技術... 10分鐘...10分鐘壓身就夠殺死人喇....
1200正, 走得即走, 之後去左大圍.....食飯....飲左杯野飲...心情很好丫~
and then就搭馬鐵返教會(學校), 今日只係崇拜&聽人講感恩見證, 所以唔覺眼訓..... 1600完左團契之後就去左新城市o既基隆徒嘉年華會, 騎劫左阿劉擺o係學校果架車...單車...就飛左去果度喇...
睇左陣野就返歸嚕...
唔知點解返到黎部電視收唔到台喎...
| 
