知行終於在接近四個月大的時候懂得轉反身，但還未懂得反番轉，於是就會call help, 好攪笑！

近來他亦開始喜歡食手指、玩口水，運用雙手去拿玩具，係食玩具才真！

亦開始發出不同的聲音！雖然越來越好玩，但亦越來越懂得扭計，餵奶越來越煩！現在生活已漸漸有一些規律（好似個幾月又轉一次）：現在每早大概六點幾七點起身，食奶，跟著又瞓一陣，大概到九點幾，不過只肯飲少少奶，跟著又玩一陣，瞓一陣，到十二點、一點又食奶，跟著又玩，到四點幾開始就越食越多，六點幾開始就好扭計，尤其是媽媽返工，只剩下爸爸陪知行的晚上更甚，到十點左右，食完最後一餐奶就瞓到天光，當然間中四點幾會醒一醒，不知是否他在我肚子時，習慣了跟我一星期返一晚夜班哩！