出Show啦。哈哈、大家都話好緊張、但我好想笑。
上台都係度笑、我唔知自己笑咩。但真係忍唔到。
今日都算幾開心啦。可以同謝安琪影相。摞埋簽名。心滿意足啦。
伢Sir好衰吖。博命笑人嘅、
不過你哋2個知道我哋緊張。上台之前博命同我哋講加油。叫我哋Good Show.
叫我哋跳好D。唔洗緊張、要有D自信。好啦。 原諒你哋啦、
其實你哋真係教得好好吖。我好鐘意你哋教。
我記得第一次見你哋嘅時候。我有少少驚、因為你哋個樣有D惡。睇落去冇咩耐性。
但相處落覺得唔係吖。你哋好nice。好搞笑。其實我知道你哋教得好辛苦。
特別係Dennis。一個人、叫到個喉嚨好痛。我哋都知道嘅。
你哋話我哋今日跳得好好。有98分。我唔知係唔係你哋嘅真心話。但我哋真係盡我哋最大嘅努力做到最好。
我哋都唔想出醜。唔想辜負你哋。唔想你哋失望。所以我哋好緊張、甚至彩排嘅時候係度嘈交。
好希望你哋真係滿意。咁樣我哋就會好開心。
其實真係好想你哋繼續教我哋。我哋可以做朋友。哈哈哈哈、（冇其他意思。）
無論如何。好多謝你哋吖。教佐我哋咁多野。真係有D唔捨得。畢竟我哋相處佐3個星期。
睇得出、你哋真係好鐘意跳舞。希望你哋會跳得更加好啦。搞到我都開始對跳舞越來越有興趣啦。
我記得Dennis講過。佢想真正做一個吖Sir。3年後、佢就可以做到啦、佢想做一個數學老師。
俾心機啦。你一定得咖.! 哈哈。到時教我啦。反正我係數學白癡。
真係唔希望今日係我哋最後一次見面。希望你哋係畢業禮都會來啦.! 我哋張集體合照都未影吖。
唔講啦。費事俾人誤會啦。越講越唔捨得、我驚我會喊吖。
Hey SiR，U are very handsome.! 一齊加油啦。
|
