又係呢句 -,- S級豬肉生日快樂 又大一歲喇 好心你下喇減下肥 仲肥過我- -

唔知大家有冇返工呢 小弟近排(都唔可以叫近排嫁喇)返左一工 以下係呢份工既一D資料

工作名稱: 打雜佬

工作時間: 不定 超時加班冇補水

工作地點: 不定 要隨傳隨到

工作性質: 義務

工作薪酬: 義務工作會有錢?

工作日子: 半永久狀態

所需工作: 乜都有得你做 估唔到既都會有 仲開心過出奇蛋

膳食安排: 住家飯一頓

額外獎賞: 賣垃圾得返黎既錢 最高個次扲到死狗咁 都係得個12個8

唔知大家有冇興趣做呢-B- 我就而家做緊洗廁所 搬電視 維修裝修等

真係有苦自己知T^T 今日聽左一隻人地以前話聽完好多人會自殺既歌

發現左呢隻歌原來真係....真係....幾好聽-v- 分享比大家聽下 gloomy sunday 應該冇串錯吧-,-

首先係到同今日既壽星仔講返句 生日快樂呀 又老一年 a_a

雖然呢 唔係同你太熟 不過呢 希望將來既日子 可以同你熟下去吧

近日唔知點解 對打機開始有一種抗拒 對底 我係唔係開始唔鐘意打機呢

定一係打機令到我唔開心呢 我諗每樣都少少 可能係因為要開學既原故吧

暑假個陣玩左一隻GAME叫什麼什麼大冒險 呢一隻GAME都幾好玩

係玩呢度GAME個過程 我識左唔少朋友 有D係真係可以做到埋真正朋友都得既

好似 哈魯 無名侍 小朋友R 膠田 BABE姨 TIKI 冇水 等等 不過可惜既係 開學後

冇見佢地玩 佢地連MSN都少開 要搵返佢地真係唔多容易 所以真係好希望可以見返佢地

起碼 都要保留返一段珍貴既回憶喇 好 今期寫到呢到 明天會更好

今日同平時都係一樣 冇咩太大既分別 都係在毅進未開學之前做雙失

雙失原來真係好慘 試就真係知 亦都係表示左好多野 係要試先過先知 當中既辛酸

近排見好多人話 呢d野好煩 做呢d好悶 但係試諗下 當你冇得做個陣 你就會後悔

只可以說當失去既過後 大家先會懂得珍惜吧 雖然好多野 唔係大家呢一生都做得到

但亦都要做到不枉此生 咁先對得住自己ma 係唔係先 xD 可能發覺大家都覺得我好鬼煩

成日up埋呢d咁既理論- - 但係有時如果大家細心去睇既話 就會明白箇中既意思

也許可能就係我身同感受吧-V- 今次冇乜野講-v- 打到呢到先

而家先9月2號 對返學既日子仲有一段距離 so 打卜就應該等同返學一樣 每日都要做-v-

首先講講自己近況先 同以前冇咩點變 一樣都係四眼死肥佬 但係呢 內心就轉變左好多-v-

開始唔在同人計較多與少 有同冇呢樣野 可能人生如打機一樣 到某個時候就會lv up a_a"

近日發現自己變成一個變態佬 (迷之聲: 不嬲都係嫁喇) 由9月1號開始 去呀婆到食飯既中間一定會做一樣野

眼睛總會落左著住校服既人身上 可能係因為自己冇得再好似佢地咁讀 所以眼睛不自覺地望左過去

但係咁就做成左一d不必要既誤會- -" 就係每次望過去個陣 咁岩個d全部都係女仔黎 - -

攪到今日同行既友人話 平時你唔會嫁啵 做咩呀 學哂我d野既 a_a 頂 唔好誤會 我唔係呢d咁既人 ok?!

今日又問左一位好朋友佢讀書點 佢簡左重讀 佢話今日2點先返學開學禮 我心諗 哦 唔出奇既咁遲先返

但係突然佢爆左佢句@!#$%^&* 我係油麻地返 返左我3個字都唔洗就放學 心諗咩料呀- - 玩野?

最後希望佢可以讀好d 唔好白廢就得喇xD 係到同大前日生日既好姨講返句 生日快樂呀=]

之後再同琴日生日既魚旦講返句 生日快樂呀xD 之後再同今日生日既蚊瑩講句 生日快樂xD

p.s. 咁講到幾時- - 9月份咁多人生日 真係......唉 所以要多d做帶氧運動 @@" 唔講住 潛水先xD

唉 點解呢個會成習慣= =" 近排成日出街玩 都冇打過個卜喇- - 差唔多成大半個月冇打

近排咩事都有發生 好與唔好都發生左-,- 講開又講 今日9月1號 好多朋友都開學喇 打算讀成點先 a_a

今日上呀婆到食飯個陣 見到好多學生 突然回想學自己升唔到 心入面唔多唔少都有D愧疚

點解冇好好讀書-.- Anyway 做人要向前看 感情事都係一樣 要講呢段野就要係8月28號

個日本來川約左我去踩冰 我唔識踩 何況我去既話就真係會[踩]冰 咁去黎都冇意思-.-

Than sin佢又叫我去 當然結果都係一樣喇- - 但係到左當日下晝 一位老友打比我叫去踩- -

話咩自己去唔得 咩男少女多 陰盛陽衰= = 佢又話自己唔踩 結果我就同佢出左去 p.s 我打算同佢地食飯姐

去到 佢地踩完 之後話去唱k 咁咪去囉 講起唱k就真係把鬼火 點解要係5樓唱但係要上6樓扲野食

最orz既就係扲野食落返去個陣 個職員話 你地可以叫我地幫你地扲落去嫁啵 唉 一句 無奈

玩到一半 may黎左 發現左原來佢同fay唱歌真係幾好聽 a_a 我唔多識唱歌就去左玩個部死人電腦-.-

玩到一半 打左比miss黃 開免提 對佢唱生日歌 miss黃 生日快樂呢 又老一年a_a"" 幾時我地會再約出黎食飯

之後 完左去海旁飲酒 佢地飲到一半 may問個一條問題第三次喇-.- 小弟只好回答好了 冇錯 我係鐘意你-.-

不過大家都知  瀨蛤蟆又點可以食到天鵝肉呢- - 最後大家都知 我比人請食檸檬喇xD 之後佢地就玩到5點幾就各自飛lu

最無奈既就係 女仔飲左酒就特別容易喊- -? 係好多人面前咁strong既may 我都係第2次見佢喊-,-

咁就過左一個晚上 只可以說與她無緣 而且我根本無法比佢 而且又同佢唔熟 或者只能夠做一位好朋友

不過都好過連朋友都冇得做既-,- 係咪先 天涯何處無芳草 何必單戀一支花 但係點講都好 都係覺得自己好冇用= =

點解一早唔親口同佢講- - 要佢問呢個問題3次先答呢- - 真係...無言 感情事真係複雜

正哥 你要努力.\~/.p.s 第一次表白失敗 成功次數 0/1 .... = =" 係啵 講開又講 9月份好多人生日= =

家中計埋小弟都有4個係9月生日 仲有小弟報讀既毅進 小弟生日就正式上堂 but 生日返學 必有大獲

今次寫到呢到先喇 -,- everybody為著自己奸爸爹 ._.