今日係7月1號 香港回歸11年喇 而家回想起97年既我 感覺上好多野都轉變哂

唔單指係我轉變 身邊既事物同朋友好見都轉變哂 咁又係既 除住時間既經過

好多野都會轉變 有時好多野都唔可以好似以前咁死板 如果唔係好易整到大家傷心

不過唔開心還唔開心 大家都要努力咁奮鬥 就好似麥sir (麥潤壽) 講左一句說話咁

人生有好多唔同既道路 有平坦 有崎嶇 但係每一條路 都有唔同既風景 唔同既體驗

有時可能會令人感受到好多既壓迫 但係當過左呢段時間 你就會感受到真正既得益係乜野

過程係辛苦既 但係結果總會令你感到開心 有時唔好因為某d野而放棄 加油吧! 同志們

仲有一件事 近日友人幫小弟作左一句句子 雖然係改篇同抄人 不過都幾攪笑 形容我岩哂

你的樣子如何 你的日子也必如何 今日寫到呢到先

今日係呢一個blog第一日正式通用 將會由小弟一手將佢更新 雖然唔知會唔會有人睇

不過都唔緊要喇 總希望有人會上黎留返個cm 冇既話就當係平時既一個習慣=]

過埋今日之後 大概只係得返一個星期時間 去準備謝師宴當晚既衣服

到而家都仲未去買 希望d野唔會太貴就好喇 順帶一提 有小弟手電既而家打黎都係等於冇用

由於小弟手機爆分鐘 要還返錢比老豆先可以用電話 而且上網既時間又再被減少

唉 只可以怪小弟成日用電話同人傾計 1300分鐘都可以爆分鐘 仲要爆多左2千幾蚊電話費

對於仲未搵到野做既我 呢個係一個重擔 不過就當係一個教訓喇 係到希望你地都要睇住仲有幾多分鐘淨

近日 小弟發現好多時都比人遺忘 好似友人去睇殺神特工就冇叫到小弟去睇 仲有聽日71去游泳都係今日先知

你地仲有幾多野冇同我講嫁= =" 點都好希望佢地聽日玩得開心喇

係到希望大家有個開心既假期喇XD