依家睇緊惡作劇之吻呀...買廣告入房打下blog先....

今日係第6日啦..聽日就係一周既紀念..好似係一個好灰既紀念

聽日要番學...希望唔好面左左咁啦..我肯定唔會,,不過某d扮野既人可能會耿耿于懷...

講到好似好憎佢咁...ok憎啦..講係咁講,琴晚我又夢到人啦...夢到係一個沙漠,我地2個...哇,超開心超幸福

同埋好真實

不過7點就醒左啦...一醒左我就即刻諗,發夢咋T_T...但真係好真實好真實囉...

跟住就訓番,發左個好血腥既夢,,夢到一隻獅子係度糟蹋一隻兔仔...好殘忍...

今朝冇食早餐..冇胃口,依家都未食lunch呀..唔想食呀......

呢幾日完全冇同佢聯絡,msn唔上..見唔到....4日冇見,如果係以前一定掛死佢...

咁耐冇見..我諗佢一定開心到不得了啦...話唔定已經拍緊拖啦...`` 不過我就唔係咁開心啦..

今日都有少少野值得開心既...少少少少咁多,不過..始終無法掩蓋唔開心既事喎...