終於返學啦!!!（終於打blog啦!!-.-)

假期整體很悶..冇心機打..依家返學就打下啦~~

今日係2個幾星期之後第一日返學..見到N咁多成半個月冇見既人..其中梗系有d唔多想見到既人...

不過我發覺我已經可以控制下唔去望果邊了..但依然鐘意打側身坐...有時無意中抬頭仲係會望一望- -

今日每個小息都有野發生...第一個小息佢傾果d英文班既野...好慘呀比老豆逼- -冇認真睇過我星期幾去..希望可以有識既人一齊玩下啦- -不過好似得張靖文一個識- -(希望我睇漏)

第2個小息就爽..個pk數學sir居然話BB同我互抄..頂佢,我借比林強抄之嘛,又唔見佢捉到林強..辦事能力勁差囉。其實事實係,BB拎左我本野抄- -成件事我很無辜的說!希望經過呢件事..BB吸取教訓,下次抄得有技巧d。

跟住lunch因為唔記得買餐具-0-又要落下面拎.....

最後既呃錢堂竟然取消!!唉..不過去圖書館傾計都幾好....朋友間又增進下感情呀嘛

今日捐左1蚊落溫佩果個袋度...報酬係2粒朱古力- -跟住鄭咦清果度又1粒..峰峰又比左我一粒....食咁多朱古力- -肥死

今日係咁先啦....~~