今朝真係N咁早就起左身啦...琴晚發夢..又夢到佢..又夢到手拖手既情景..講起上黎都好耐冇拖過手啦...不過個夢好短..好快醒,係啦..好夢一定會特別快醒...雖然感覺好真實~

琴晚睇番以前d日記同埋人地d日記..發覺,原來我真係好鐘意佢喎...唉

左邊隻眼成日''眼眉調''..人地話左吉右兇..真唔真呢- -如果係吉我希望夢會成真啦~

今日有d咩做呢..或者會去下圖書館掛- -''留係屋企既感覺真係唔好..話唔埋下午真係會去做''果件事''..唉..下午先算啦..

------------------------------------------------------------------------------------------------------------------------------

依家12點9..算下午啦掛...可憐既我始終冇勇氣去做果件事..怕有咩差錯..怕只會更傷~

細佬又出左街啦..以前不知幾想佢出街..佢就係唔出~依家冇人會黎我屋企lu..佢先係咁出街

唔單只個天..連細佬都係度玩野...

日子好冇意義..返學,好多新同學,野都唔講多句.....唔返學,又悶又亂諗野,唔知點好~

無聊得滯..聽琴日人地介紹果首''我的天''..真係幾好聽呢..跟住搵下d歌詞...其實歌詞,都好有意思

为何恋爱可以当做吸过半支烟                                   为何分手可以当做将誓愿搬迁
随时不太高兴将那烟蒂放一边                                   临行给我一句失去感觉我的天

實在太好聽啦...平時都唔留意歌詞既..不過呢一刻..感受特別深添...

我成個下午都冇見過佢上msn..或者又扮離線''避我''..唉,我會食人咩?  我好似流浪貓狗咁..被人拋棄..被佢厭惡..如果人生係一場游戲..咁一定係世界上最無聊,而又不得不堅強咁玩落去既游戲啦~

曾經唔知邊個話我笑容都幾好睇呀..不過..就好似呢首歌所講咁''笑容看厭眼中得缺點''睇厭左你..咪唔要你囉..    以後唔可以隨便相信一個人..唔可以隨便鐘意一個人架..

我對佢感情好深.但就當條界線..以後一定唔可以有人深過佢..人地話:''爬得越高,跌得越傷!''§

其實我知..我知周美怡點解討厭我...

佢覺得我煩..不過..當你真正愛一個人..你自己都會不知不覺變得好煩....就好似老豆呀媽咁...佢地都好煩呀..就因為佢地愛你囉...               我煩..唉..我唔知太愛一個人..都會變成''煩人''

佢唔鐘意我陪佢返工..   但係..我無時無刻都掛住佢..唯一一個見面既機會就係返工..而且我又唔會同你講好多野..只要見到你..我就開心..   不過佢好唔鐘意..所以我話過..暑假最後一日..就係最後一次!!

佢覺得我諗野灰..   不過,如果佢體會過比一個最鐘意既人拋棄係咩心情...我諗,每一個人都會灰..

暑假啊暑假..我做錯好多野..對唔住呀!!我唔應該爬咁高..我唔應該任何事都將周美怡擺係第一位...我睇得佢太重要..唔可以冇左佢...     爬得高..大概最後就係咁既結局啦