今日一日都落雨呀∼∼唔知點解今日有d特別既感覺-0-

依家冇人陪我返學就話我一定好唔慣- -所以今日我係條橋度見到合仔..都得埋佢上黎一齊行- -唔洗咁悶呀嘛

去到紅綠燈既時候向後望左一眼..見到佢喎..不過對視左唔夠2秒佢彈開左...今次係我第一次感覺到佢望住我~

跟住都係平平無奇既返學啦..不過今日唔記得帶中文書- -化學堂又以為物理堂..冇帶file...~~好彩化學堂攞人地個英文file博大霧..

中午先好玩...d低能無聊燈謎..冇d新意..同吳嘉俊玩左好耐先得到一粒豬菇溺同埋棉花糖....跟住見到佢啦..佢自己一個...如果可以同佢一齊玩你話幾好呢...不過我都係同嘉俊一齊玩算啦...d豬菇都ok既..不過棉花糖就- -送比奶媽算啦~

無驚無險又到3點..半.....咁又放學啦..~~但係雨依然落緊...冇遮點返去呀- -...所以咪叫周美怡一齊囉..點知又話有野做- -好啦..咁我諗都係同吳嘉俊一齊走啦~~

落到1樓..發現左佢..過去同佢講byebye啦..跟住佢話走..哦,咁一齊走啦....跟住吳嘉俊話唔洗遮..我就諗住擔佢把遮走..但係佢又叫我比返把遮吳嘉俊喎~~諗下諗下都係既..冇理由要人地淋雨格..所以咪比返吳嘉俊...叫佢地是但一個遮埋我~

其實邊個遮我都冇所謂既..都係返屋企姐..不過佢就好似極度介意咁啦- -佢根本唔係遮我既..我右邊都濕曬啦...返到屋企打左幾個''乞黐''..多得佢唔少所以最後換左CC同我一把遮...ok..舒服曬

估唔到居然有一日可以一齊放學- -雖然勉強黎講唔算一齊放學~~跟住完全冇野講..

返到屋企..見佢上msn..諗住問佢功課...點知佢死都唔應人!!明明有人架...應一應人會死咩?..我連問功課都唔應...點解世界上會有d既人架!!又唔係冇同佢講過..講左又係咁...唔講又係咁...佢想點姐..做女王咩!!!我一直以黎都忍住佢..鬼叫自己鐘意佢...我唔介意...不過佢d咁既態度..叫人點樣同佢相處姐....佢唔想和和睦睦既咩?佢一定要有一個仇人先安樂?佢係都要逼死人先開心?變態架?唔知佢點解變成咁..都唔想知。我試過無數次同自己講..叫我唔好再理佢...佢當我仇人..我當返佢仇人囉....我試過N咁多次啦...結果次次都失敗..以為自己已經唔再鐘意..一見到佢,又咪所有照舊...其實佢依家變到咁乞人憎..真係唔知點解我仲會死心塌地咁鐘意佢囉..不過呢d野..冇得解釋既= =..對人地就鬼咁好..唯獨你對我勁差..= =...

後尾佢on返...又嘗試同佢講野...今次語氣好似好左...唔知可以維持幾耐- -不過我講一句..佢好耐先答...呢個時候可嘉話BBQ喎...咁我咪問下佢去唔去...回答速度即刻快左- -可惜佢最後都係唔去啦...(不過最後都係取消左個BBQ)...佢話寧愿留係彩園邨...我諗係見一個好重要既人....當然比我重要1億倍啦-0-...不過中秋節...我真係好想可以同佢一齊過呀...一定會特別開心既...好想好想好想好想..呀..係喎..琴晚連發夢都夢到一齊玩燈籠- -啊啊啊...點算好呀...聽日中秋啦...月餅呀..蠟燭呀~好想一齊過呀...

同自己鐘意既人一齊過中秋..凈係諗都覺得開心啦~雖然佢唔鐘意我...不過就算同fd一齊過..我諗都ok掛- -頭先我真係好嬲呀...不過鬼叫自己鐘意人..拿拿林就消火啦- -仲勁過消防員   今日值得開心既事:同佢一齊放學呀~