講真今日知道左一d野...知道左佢返工既目的同埋唔想人陪佢既真正目的....

好啦我知道左啦~第一時間既話呢..就梗係灰架啦~~跟住搵左可嘉同埋俊俊出黎陪我...渡過一個下午...

返到屋企依然係唔開心...琴晚囉~~~

我真係好想見佢一面..佢唔想見我就算啦,仲要鬧人...我覺得咁樣好缺德囉....

真心鐘意一個人唔係罪呀...唔通因為真心鐘意你就要判我死刑咩?其實佢以前究竟有冇一秒鐘意過我?我唔知...我凈係知我心一直都只有佢..~~我知成日打電話係煩..不過當你鐘意一個人既時候..你就會冇意識咁想見佢..想聽佢把聲...∼唔通咁都有錯?如果有理智...就唔係感情啦... 琴日見到佢..我真係好開心~  

唔知佢琴晚究竟有冇見到佢個小學同學呢..我都唔會去問...問?我係邊個?有權問咩?  係架..佢依家仲係鐘意小學同學..仲相信小學既感覺,,,我唔知佢果d究竟係唔係愛...突然覺得我好孤單..點解凈係得我一個會同自己鐘意既人搞咁疆....讓步嗎?我真係讓左N步啦...落台階都比曬~~諗住比佢全勝姿態咁贏我...點解佢就係唔肯放過我呢~今個中秋節都好特別姐...有開心有唔開心~又多一d唔開心既回憶。可嘉話''話唔定遲d佢會鐘意返你呢''...安慰姐..只有發夢先會有被愛既感覺..可惜夢始終咪又係夢..

唔可以再諗佢咁多...佢做咁多野無非都係要我死心姐...記得上次先同佢講過我已經絕望....ok,想聽多次...聽日我就同佢講''我已經死心''.咁得啦掛...真係唔知點解佢會變成咁...其實暑假果陣..肥陳講得啱..佢已經變心啦....我天真...我以為佢唔會變~我傻姐

其實我都講過..就算佢主動要係返埋一齊..我都唔會再同佢一齊...呢點係真架..    why?哈哈..以前既我...only係一個代替品..所以我從來冇感受過佢愛我...不過果陣我寧愿做代替品都唔想冇左佢...係我太傻仔啦...   以前既我係咁冇用...不過愛一個上一課呀嘛...至少今次..我上左基本功先啦~    我唔知聽日見到佢..我又會做d咩傻事...不過我心入面始終知道...佢唔值得我愛呀

打幾次電話就會覺得煩...如果係佢打咁多次電話比我..我諗我會開心死架    只不過佢都未學識...就算唔鐘意人...都用心去感受下人地既愛...用個心去接受人地既關心..好簡單姐