好快又到返學既日子...唔知點解,琴晚同人傾下傾下...居然有少少驚..唔夠膽返學...有d野,都唔知應該點面對...

今日好無聊...同隔離位未係好熟,加上我又勁多野諗....所以基本冇出過聲...反而係王天林勁白痴= =成日撩我玩= =不過我都明既..坐果d咁既位..我理解到佢有幾無聊.....如果係以前既我,一定會同佢狂吹水.....不過依家既我...比d唔知乜野霸占左,唔想講咁多野...

至於''佢''就唔同啦...我唔可以成日睇住,所以唔知...不過我諗佢一定好開心~~我係度諗,話唔定佢地已經晚晚傾msn...傾到依依不舍..

以佢既性格..依家最低限度都有好感啦掛....一個月,如無意外...將會出現咩情況,,,我自己心中有數了....係時候做好心理準備....好似某人咁講,我唔可以就咁死的..^^

今日果個咩TSA話?完全唔夠時間做囉...同考試果陣既情況一樣,,明知冇時間都仲係會諗住佢.....點算....

今日唯一開心既係我有一次擰轉頭跟住同佢視線相交..對望左半秒左右...一日有萬幾二萬秒,不過就得呢半秒先覺得開心....少得可憐哦...

或者依家呢個時間...佢地已經傾緊計....點好點好?

如果可以好似以前咁傾計就好啦....