今日係好唔開心既一日...睇住你同你隔離位,由初初靜寂無聲到依家有講有笑....你認為,我仲可以好開心嗎?

或者你認為我係紀人憂天..或者係度擔心d無謂野...不過我就係咁,就係咁控制唔到自己...

如果我輕輕掂你個頭,你會討厭,怒視,閃開......但係,點解佢掂你既時候,你卻冇任何反抗...反而好開心咁笑?

點解我每次擰轉頭果陣,見到既,都係你同佢好開心咁傾計?

今日你好大聲咁話唔係鐘意佢....咁點解又有呢d野發生? 我冇望你既時候,你地仲講過d咩,仲做果d咩呀?

我已經唔敢去想象,打到呢度,鼻又開始酸了....但有邊個明白?

好想再一次拖住你隻手,一齊過每一日都咁開心....一齊去圖書館,一齊通街行,一齊約去某個地方....

次次放假,我都好掛住你呀....但我,唔可以做任何野....每到星期5果晚,我就會諗,又有兩日見唔到你,聽唔到你把聲,隔絕一切與你有關既信息...

冇左你,我就好似與世隔絕..

我想留係屋企,望住電腦,慢慢等你個msn會on..雖然我知我只會等,唔會有結果...就算你on左,我都唔可以做d乜...你唔會理我,幾時我都係自己一個

人生好似只有發夢既時候最開心...你知唔知,晚晚我都夢到你...係夢入面,超唔想醒...因為一醒左...眼前你就會突然消失...留底既係更加更加孤獨

唔知點解我會鐘意你..而且仲要鐘意得咁白痴..成日都係度諗你會唔會仲鐘意我呢,但又明明好清楚你心入面根本冇我既位置

我就一直咁等一直咁等..係車站度,等一部冇可能會到達既巴士....

其實我自己仲係好幼稚..我唔知應該點先可以唔鐘意你...橫掂你都睇唔到呢篇野

你,始終係我最鐘意既人..