起身唔多覺凍，但一出門口就凍凍地，放十一點九，行出去，凍到飛起，又要落雨，低左成十幾度，下午番明愛諗住走第二堂，不過最後都冇走到，放學就去左悅來搵明仔，之後陪耀去買野，買完齊齊PSP連線，八點走人，係新三寶買左隻雞脾同豬扒食，好好味!~上大佬到囉隻啤啤熊，勁得意，諗住等埋大佬番打陣機先走架嘛，點知等到十一點未番，為有自己閃啦!~出面落緊雨又大風，凍死人囉，用左半個鐘就番到去，好彩阿媽有留飯姐，唔係又食自己!~星期四去BBQ唔知去唔去得成呢!?

晨早流流就天陰陰，但天氣又焗，好唔舒服，去到五六堂，諗住落大雨下午唔番，點知岩先講完就落緊仲要勁大，落到樓下唔洗走坐左成半個鐘，終於細雨，KingKong，經偉同我三條友即時衝去商場，濕左大半，之後買野食上我到食，下午冇番係到打機，哈哈!~夜晚鬆糕add我msn，同我講番原來下午得1x人番，原來仲有講座，死啦冇番到呀><...Miss左一堂...麻鬼煩...不過好彩之前冇走過，夜晚同明仔傾計，講開錢既野，之後就去望下電話個記錄，原來借左五千幾蚊俾人，自己都嚇左一跳=.=.....搵日要追番晒先得呀!~

十點半醒左，一點先起身，賴床功力又上升左-.-...下午玩左陣PSP，點知冇電，為有睇書，本書好正睇到收唔到手咁濟...之後GG打黎，都傾左幾耐下，原來今日愚人節，好彩冇俾佢玩到姐-.-...夜晚M仔聊我玩War3，哩幾日佢真係玩上腦，一玩就十一點，涼都未沖呀><....要沖涼啦，唔係都唔知幾點先訓到呀!~

第二個星期係屋企悠閒嚕，覺得幾好雖然係有d悶悶地，十二點起身，打左俾人，傾左半個鐘，幾湖足@@!~下午俾M仔叫玩War3，一玩就玩到八點半，玩左超耐好累， 夜晚休息，聽下歌，研究緊幾時去BBQ，MSN好少人ON，個個都有節目出晒去玩，有D羨慕添!~話買鞋買到依家都未買，好鬼白痴呀!~下個月就生日嚕，唔知可以收到幾多句生日快樂呢?生日禮物?可以食架?真係未收過喎@@!~

八點半起身，第一時間沖涼，之後就打俾阿明同經偉，兩個都無人聽，再打俾KingKong，佢唔番，啞晒...個個唔番自己都諗住唔番...開電腦上MSN，見到經偉@@!~原來佢同阿明都番，有人陪咪番囉，係荔景等經偉，之後三個齊齊遲到，哈哈...遲左四個字，去到參觀果到都十點七，坐到十一點就閃，好白痴...番去為左點名...走果陣又俾人拉左去打機囉...玩夠番荃灣食野，今日係地鐵見到好多靚女呀，唔知係咪冇帶眼鏡既關係呢@@!?食完野經偉番工，阿明又拖我去機鋪= =...玩左陣走左，囉書番去還，M仔係葵興溫書，番到去坐左陣又要出去，M仔陪我去配眼鏡，好彩趕得切姐= =...配眼又要去機鋪囉....無奈...一日去三次都係第一次...無啦啦家姐打黎...俾人叫左去囉野...做左阿四...搞到夜晚成九點先番到屋企!~星期四果日下午聽到個電話真係好開心@@!~