今日原來係大佬生日，家姐唔講都唔知=.=...五點幾就落左去，之後同明仔去左熊貓，係到成兩個鐘得玩左兩三蚊，真係多人到...之後番左阿哥到，等食飯...變左餓民啦...成十二點先食完，之後就再落番熊貓搵佢地，玩到兩點閃人，之後同耀、明仔一齊行番去，肚餓去左七仔食野@@!~番到去又三點幾四點嚕... 原來耀都係做埋下星期，真係咁岩!~

今日班人終於知自己既分，得幾個合格，嘈得好勁，哈哈!~雞仔博嘴博得好搞笑呀，個個都係到大嗌搞到幾堂都上唔到，最後連校本都冇上就番左屋企，番工，冇咩心機，懶洋洋咁，係收工前終於決定左啦，3月11日LastDay，雖然有好多人都唔捨得，但都係唔做啦，想玩埋哩幾個月就認認真真出黎做野，希望一切順利啦!~同Koey傾計都傾左幾耐，原來大家都係同一類人，之後做左個心理測驗，原來自己既思想係33歲既老頭，哈哈!~

新年假後既第一日早放，好感動@@!~諗住食完Lunch就去葵芳最後冇去到掛住同個台灣fd傾計，dl隻game要好鬼耐最後頂唔順番左房訓，訓醒果陣仲以為要番學超白痴== ...夜晚睇套戲，有d失望冇預期咁好睇，聽日又星期五又係難捱既一日，希望KingKong記得帶漫畫啦@@!~ 

2月27日

今日番明愛果陣係地鐵到冇位坐，阿明同肥謙就坐埋一齊，之後個女仔就讓個位俾我自己坐去對面，真係好少，第一次遇到人地讓坐，不過我唔係阿伯呀@@!~番到去衫都唔洗換機乎等食，嘩，條魚勁腥囉，食左兩淡就冇食，番到去諗住食個飯就訓點知傾傾下計又兩點，唉，時間過得真快

 2月28日

今日番明愛真係辛苦，係到罰坐，悶到癲，諗到仲有四個月哩種生活就想死，放左之後就去左搵佢班玩到九點幾就去左漢都食野，食左咁耐都係哩間好食D，哩排係到煩緊PSP D野，麻鬼煩咁多個都想買，不過都好多D人玩都開心D，哈!~

終於番學，成晚訓唔著，太早訓啦...番到去好難頂，眼訓= =...下午好痛苦，聽三個鐘講座，精神折磨，放學明仔叫我去打機都冇去到，頭好暈番到去都頂唔順去左趴床，食完飯都係咁，好辛苦，唉...又感冒，麻鬼煩...