琴晚又訓唔著，早上同阿哥去左粥鋪食，食左幾舊炸兩同叉腸之後碗粥就淨低成大半碗食唔落=.=.... 俾阿哥話有病，汗...下午去左肥賤到玩，七點幾先閃左番屋企，有兩位小姐就快生日嚕，諗買咩禮物都諗傻我-.-...唉...又要忙d死人報告啦，煩死人呀!~今晚要加油啦!~

今日十一點起左身，簡單係奇蹟，不過成晚都訓唔著....都唔知咩事，下午去左肥賤到，玩左陣同佢一齊落大窩口之後就去左阿哥到，都成幾個月冇上過去嚕，上到去乜人都冇得自己一個...又係得個悶字，好彩買左野上去食，夜晚係MSN同晶晶、Sandy、GG傾計，俾D姊妹圍囉，恐怖耶-.-....電話分鐘又成千...都唔知用左去邊...

有些東西爭取不一定能得到，但不爭取就必定會失去，失去了才來後悔那還有什麼意思呢!?

今日自己DaysOff，爽@@!~訓到成點先捨得起身，六點幾番工，廚房好鬼多人，都唔知做咩好，食野果陣肥Ling整瀉左我杯野，又俾人話，無奈!~夜晚成班俾經理鬧囉，話我地唔做野掛住係到傾計，佢都痴線，部機又冇Order，有既又未夠料整係到等緊，搞下搞下差唔多十一點半先收，之後陪阿Jack打機，十二點閃人，番工無啦啦俾人鬧真係超不爽!~雄仔今日黎左探監，夜晚佢等埋我地先走@@!~

廿歲仔既第一日就通頂...汗...下午雄仔買完電話就上左黎，玩到八點幾出左去食飯，出去果陣先發現個代到有條手繩，原來係Koey送的，真係多謝晒呀><!~十點係熊貓等佢地，點知成十一點先黎，玩左陣就上左我到，雄仔就番左屋企，華哥請飲糖水，正@@!~之後買左D零食就上左我到，一點幾，耀同埋明仔都上埋黎，陪佢地玩到四點到諗住訓，班死仔...打龍就打龍啦...D刀刀劍劍聲我都廢事理...但成日WE嘩鬼叫咁= =...搞到訓唔到...下次要囉D支棍先得，邊個一嘈就一野卜落去XD...七點幾起身番學，同四條死屍一齊出門，差D遲到，嚇鬼死呀...番到去到自己變左死屍，同張台做左五堂朋友...十二點放左，傻下傻下咁番屋企，去到門口先知自己冇帶鎖匙，心諗哩次仆X啦，好彩阿媽今日休息係到...唔係都唔知去邊好= =...後來M仔打黎，諗住約埋阿Jack去睇戲，點知條死仔已經同條女睇緊，so冇去到，番完學番到屋企，超眼訓變左死屍...夜晚幾條友輪流打黎，想整死我咩= =...

琴晚一到十二點就收到好多個生日快樂既短訊，好開心呀!~今日下午晶晶同GG叫出去，但冇出到，諗住等埋幾個FD先出去，點知要十點先出黎，後悔冇去搵佢地添=.=...一陣同雄仔出去食飯，十點等阿華哥既到來-.-...條死仔搞到咁鬼夜先出，一陣佢就死= =+.....