話說昨晚男友難得的星期四晚來電(因為以往的星期四為badminton day,係唔會有電話到既！)，心入面好鬼高興之際，點知一開波我就俾佢捉住黎話，話乜野？就係為左facebook一個姊弟戀個test既comment囉，因為我有感而發打左句『其實我都唔想架！』。點知佢就梗梗於懷...

輝︰如果你真係介意我細過你，咁大家無辦一齊！
me︰我講下咋嘛....唔好咁啦！！
...................(氹佢既說話省略，因為都係個幾句啦~)

(但老實講，我個人一直都覺得大過自己既男人係穩重d，有安全感d，但當你真正拍過拖，你就會發現就算個男人大過你幾多年都好，唔成熟都係一樣，細過自己既男人又點？好似我既輝輝咁，雖然細過我，但最緊要俾到穩重同安全感我就足夠啦！！heehee)

今時今日既香港，女多男少，10%筍盤一早俾人mark晒，20%既男人係鐘意同女士們做姊妹既，20%電車男，20%返大陸娶北方佳麗，淨番30%俾各位女士們選擇.....所以報導亦都出過一個調查，就係依家好多姊弟戀，點知原來我都係其中一個。