想想...以前既自己，極討厭同男友煲電話粥，例如坐巴士訓緊覺，接到男友電話....果種厭惡既程度簡直去到極點。(不過朋友們打來卻沒有任何問題，原因所在於.....啍！啍！......不用多講....)

其實當遇上一個自己很喜歡，很愛既人時，原來無時無刻都會想聽到佢把聲架！！依種感覺好耐都無試過...而且輝輝好識做，盡量會避開我睇電視劇既時間，果然係訓練有數！(讚緊自己,hehe)

不過如果輝輝有幾天沒有打電話給我，冷落左我！佢就要用番同等既時間陪番我，傾番夠本(依個係我地兩個人既默契).....就好似上個星期五晚開始計算，六、日、一，及尋晚本身既星期二。總共5日，平均每日半個鐘...，天數 x 時間 = 賠償時間，就要補番2小時30分鐘....呵呵呵~本小姐既歡樂時光點可以俾佢d豬朋狗友所剝削，所以我身為香港人既一份子，要為自己既權益爭取，所以尋晚兩個白痴，你一句我一句互疾之下，咁又傾左兩個幾鐘。

傾完果下，心都涼埋，但兩個幾鐘，又好似無咩傾到咁.....but有以下節錄︰

me︰我有問題想問？(好認真)
輝︰你問丫！
me︰尋晚隔離房既女仔，拍你房門做咩？(依個問題困擾左我成晚連日抖，嬲左好耐)
輝︰P君女友帶左個女仔朋友返黎過夜，話還掂我都係一個人訓，所以話不如過黎我房訓喎！佢地整蠱我！
me︰(心中怒氣高漲.....使出本門獨技，""單單打打""，接招).....係囉...人地一定係對你有意思，所以成日整你，等你留意佢囉！
............................

(此話題全晚俾我得閒攞番出黎講左好多次....，直至輝輝招架不住下左命令，只準今晚講，以後唔準再提，所以我唯有一晚內講番夠本呀！本小姐最憎蝕低架啦.....)