依幾日本來都好開心，因為星期日輝輝打左三次電話俾我，仲傾過少少十二月去旅行既事，但真係得少少...因為到依家都仲未confirm到佢既大假會幾時放....但講到我請幾多日假時，輝輝提醒左我一樣野，就係我本身應承左一月左右就會辭職過去同佢一齊依件事。依兩日一諗到依個日子既來臨，個心情就變得好忐忑不安。要突然放棄一份穩定既工作，真係幾大既掙扎....

尋晚諗著可以把依個心情話俾輝輝知，有人可以安慰下我啦....點知...人地無安慰不特止...仲同我講其實佢真係無把握可以養到我，不如俾xx既電話佢，叫xx加把勁追我喎.....聽到依d說話....個心痛到想喊.....灰爆......但我又喊唔出........唉.......

雖然輝輝之後同我講，只係開玩笑，唔好嬲...但其實我唔係嬲....而係痛心。唯一安慰既事，原來輝輝星期日已經同屋企人講我地兩個會搬番去住，討論緊房間既安排.....我先至有番d信心咋！！