今晚葵芳分行活動，主要目的係一班人食餐，次要目的係幫 henry 許老闆補祝生日，總之KF食飯總會諗一大埋藉口出黎啦！！
之前因為同師兄調左duty，2點收工之後....唔想返屋企(因為返左屋企就唔出街)，做左好多野去消磨時間，要等到8:30PM先有飯食.....收左工原本想去中醫架，點知walk in無位，唯有落番KF搵人食lunch啦...但分行出面條Q都未斷過...過左對面 PEOPLE同四眼哥哥吹水，總於等到磚磚同瑪姬食lunch已經係下午3:45pm...真係餓死我....
今次食飯又去左金潮，我同kelvin cheung兩個人先去攞位....等埋ivan yu三個人就已經開始叫定野食，所以成晚我食左好多好多黃金蝦，椒鹽九肚魚，胡椒花甲湯......好飽........
食飯，去埋酒吧切蛋糕....都成十二點，臨走之前去廁所，好搞笑蕃薯竟然話要護送我去廁所.....而佢又真係廁所出面等埋我.....到走既時候仲送埋我去巴士站，我不斷話唔駛送...但佢又真係送到去巴士站....果刻覺得自己老左好多，因為好耐都無俾人送去撘車啦！！俾人關心同呵護既感覺令我更加感到輝輝唔係身邊既寂寞.... ~
好鐘意 KF同事叫我做老 PINK，但卻用照顧妹妹態度既對我.....
|
