今晚電話入面我同輝輝講起將來如果儲到錢去旅行會去邊好，輝輝話想去new york，總之走遍每一個大城巿既首都。

輝︰將來職位高d，就有機會工幹去歐洲其他既大城巿 or 美國依d地方
me︰ 咁即係你一個人去...我無份....好失望呀！工幹去，咪即係唔諗住同我一齊去..咦......
(好彩輝輝即刻補鑊，如果唔係....哈.....，不過輝輝依家補鑊功夫進步中)
輝︰無咁諗呀！！我更係想同你一齊去啦~當個event完左，你咪飛過黎，我地留多幾日一齊玩囉！
me︰(算你啦！！即刻開心晒~heee)

今日係中心無咩做，攞左本書黎睇，Mars and Venus Together Forever (男人不會，女人不懂的事)，其實自從無拍拖之後，都幾鐘意睇下依d書，因為都覺得幾得意，同時令自己反省一下自己係感情入面，做錯左d咩呢！今晚同輝輝講左我第一章學到既野...就係『女人渴望傾吐』，女人嘛...只要將問題講左出黎，就可以忘記左依個問題....但輝輝即刻話，講左出黎，之後女人就會成日攞番出黎講....好煩，輝輝從中話緊我成日唔開心，成日埋怨佢邊樣做得唔好，令到佢唔開心。其實我努力漸漸改變自己中，希望輝輝唔會感到太大既壓力，努力再努力，我還需要一點點時間。

愛，並非要使對方感到難受，而是看見對方的笑容，開心快樂幸福~就足夠了
(這種感覺有少少像小時候讀書時，暗戀既feeling......對方不愛自己也不打緊，只要每天回校見到那個笑容，自己也感到很幸福嘛！！)對我來說，愛並不需要擁有對方。