話說呢！初初check到個團得14個4天既時候，真係心情跌左落谷底架！！但今日去到10樓執料時，點解rebate多左既，原來果團有16個，心情都即刻開心番，同埋另一團拍團既4天，人數得14個....個下都覺得公司對自己都唔差丫。哈~ 仲要唔駛夾客訓，free ~
係10/F，遇到SIMON LAW，佢話佢出老短，我真係唔係好信，或者咁講，我從來都唔信依個男人講既野，因為佢借電話咭唔還，借LANDING FORM無回頭！！雖然當初大家係同期同事，一齊入永安，但從來都無諗過要用真心同佢做朋友，鬼咩，佢出面咁多負面新聞.....
執好晒野，同左meann去APM食飯，但幾肚餓，都想做埋recomfirm先，咁先食得安樂，所以走左去人地寫字樓大堂坐係到做，做晒就去左吉野家食飯(但我只係做左一半咋，d客都唔聽電話既)，因為其他地方都要等位，原本係吉野家好想食牛肉火煱，好吸引呀！又有我鐘意食既烏冬...但未出團，唔捨得駛錢，都係細雞飯，meann食左個細牛.....食飽就嗱嗱臨返屋企...
一路坐巴士，d客係咁打番黎，係咁係車上面講：『係呀！永安旅遊打黎架，.......』最唔鐘意就係俾人知我係邊間公司做....做d咩....好奇怪咁....又唔可以背後講d客壞話.....因為有其他人試過俾d街外人投訴....
今日好攰....每次出團，我都壓力好大，個人好攰......返到屋企咩都唔想做...唔想諗.........
|
