平時都好鐘意返星期六，因為老闆唔係到，好free好自由...但今日例外。因為今日centre搞新聞發怖會，一返到黎好多野要準備，錄影、影相、準備依樣，準備果樣，影影影...影左好多相，影完相又要準備俾老闆揀相，揀好左，又要發新聞稿 email俾其他傳媒，跟住接好多電話，用左幾個字時間叮左個出前一丁+牛丸(係屋企帶返公司)黎食，跟住又要準備set cam錄下午既電腦班，睇埋由上個星期儲落既報紙....睇晒d報紙，夜晚8點再叮埋個印尼撈面+牛丸......依一刻先至話可以靜靜地咁抖下.....好攰呀！！

雖然工作忙係一件好事，因為時間可以過得快d，但每次忙完之後，無論個人，定係個心都會好攰，好想男友係身邊呵護，但我就係唔想有依種諗法。因為咁唔係一件好事.....唔想因為依種諗法而埋怨自己男友唔係身邊，唔想因為自己軟弱，而渴望其他人既關心同呵護。因為我唔需要其他男人既關心呵護，我只係要輝輝俾我既就足夠啦~

尋晚輝輝話我依排好獨立，少左依賴佢。我問佢，咁樣係好定係唔好....輝輝話好壞參半......

我依排獨立左，第一個原因，係因為岩岩要帶團，完全處於作戰狀態。帶團時，自己一定要夠硬淨，先至可以面對各方既難題。第二個原因，就係唔想因為之前既問題再諗咁多，我要更獨立，就好似單身時既自己，我一個人也可以好好地過生活。