下午emily打黎話食飯，於是夜晚又出左街，順便買d野，準備為ebay生意下功夫。出去果時，貪方便，行左最近既一條路出去巴士站(其實朝朝都行依條路)，點知行到中段，見到個阿伯，意為做咩啦！

伯︰頭先有個陌生日人係到丫，我地追佢唔到，唔知佢行左去邊
me︰吓....唔係依條村住架？(但我好講，我住左係到25年，我都好似無見過你喎！...)
伯︰你小心d行，如果有咩事，你大嗌啦！我地會幫你
me︰係！知道，唔該晒~

佢咁樣講一講，好鬼驚.....下次都係行番第二條路。(其實屋企出入，有三條路，其中兩條都要沿住屋苑行，另一條係沿馬路行，亦係最遠既條路)

今晚晚飯又係去金潮，食左我地個個都好鐘意食既幾樣野

~招牌黃金蝦~

胡椒蜆湯

魚皮~ 

食飽飯，佢地全部都話要去唱k，但我咪me銀(無錢)，佢地為左夾我去，所以無收我飯錢，到唱k，佢地又唔駛我俾，勁唔好意思。連返屯門既的士錢，都係kelvin cheung俾晒....依份人情點還呀！？？

尋晚好對唔住輝輝，因為miss左佢好多個電話，但輝輝打到俾我之後，佢既反應令我好突然，好感動。因為我以為佢會破口大罵，但係結果一句都無，語氣上只有擔心，搞到我好內疚。第一次有男朋友咁對我，果刻好想攬住輝輝丫~

話說係坐的士返屯門既路程上，kelvin cheung其實已經醉醉地，所以司機都好醒咁自動鎖晒車門，kelvin講左少少佢依家既感情生活我知，但我都唔明d男人諗d咩....亦都唔明kelvin咁既樣，竟然有咁多桃花，我只係一個旁觀者，所以我只有聽呀！聽呀！