大家有無發覺呢！香港人由細到大，快餐店更有一間係你左右，你一定有食過。記得小學果時，巴士站有間大快活，我會特登儲錢，放左學買個$11既炸雞脾黎食，好好味架！！(不過各位，依家再搵唔到炸脾....全部得番油脾....好唔開心!!)

仲有小朋友果時，最HIT就係一家人去大家樂食燒春雞！一人一個膠手套咁渣住食，諗番都幾開心！！

中學果時呢！大快活出左一個米飯漢堡，好難食，所以已經消失於世上。

到依家大個，仍然鐘意間中到快餐店食野，特別係下午茶，因為選擇多，有西多(我既至愛，特別係"醬多"，但半年無食過....因為超肥，)、燒雞翼、薯仔沙律、炸魚柳....

其次就係去食鐵板餐，因為平...但可以食到好飽
咁當然無可能好似依張相咁靚啦！！

紐西蘭爵士牛扒鐵板餐
	市段： 晚市 售價： $43-$44 配焗薯•酥皮焗周打海鮮湯 或雪糕香蕉船   品種： - 紐西蘭爵士牛扒   (配蒜茸牛油) - 燒春雞(半隻)•椒鹽魷魚鬚 - 燒牛仔肉串•香草雞扒•   烤脆皮腸   超值優惠： 凡惠顧以上鐵板餐，即可 1) 加$6配酥皮湯及     雪糕香蕉船 2) 加$6配「至Cool冰冰」