以過往既經驗，其實如果一對情侶拍拖返深圳揼骨，其實好悶，特別係女仔要一個人去換衫，沖澡唔可以沖太耐，唔可以做桑拿，浸水，因為會怕男友係出面等。或者換好衫出到去搵番另一伴，但唔見人，唔知係邊既感覺都幾無助。所以呢！揼骨依d活動，要人多先好。最後我都陪麥小姐，唔想佢一個人遇到咁既情況，所以麥小姐+馮生+馮生朋友+me，四個人一齊北上。

唔知係咪真係d中葯唔夾，食完個人好躁。所以為左北上既事同輝輝嘈左一輪，冷戰左一個下午，雖然我心底明明好清楚，我應該要溫和d同輝輝解釋，氹下佢。但就算係明知，但都唔做....每一次躁底，我就會好硬頸，好強硬，我決定左既事，無人可以改變。其實我依個男朋友其實好抵錫，我明白佢介意我同其他男仔出去揼骨過夜，都係緊張我，但可能我心底入面，過往俾人鉗制既經歷，令到我對輝輝既開心會有過激既反感同反應，所以好對唔住輝輝，我知道你係愛我架！

今次北上，好攰....因為星期一係重陽，好多人都放假，所以我地11pm去到，一直都無房安排俾我地。麥小姐發晒老脾，狂插左幾個經理，又攞左人地既餐牌黎發泄。最後4am先有房，係有房按排之前，我只能呆坐......因為我好攰......

今次北上後回家，補眠補左四個鐘......成個人都散晒咁..............

題外話︰係答西鐵返屯門時，見到d山上面點解咁多人既？跟住先叮左一聲，係喎...重陽登高拜山喎......我成日都仲意為今日係星期日添...heee