今日收工，好有心機，做左好多野。首先收去左佳宝，買定星期六BBQ既食材，因為聽日星期五返10/10，無時間買，今日買定，咁星期六就可以朝早起身醃定D野食先。買左2磅雞翼、5塊豬扒、3塊牛扒、3塊牛仔骨、2個火雞腎...1個洋蔥，咁就買左我一百蚊，依家D野貴到呢！！袋野好重，去到巴士站，望住兩架61M走左，好彩今日好快有巴士，仲係SPECIAL班次，吉車埋站~YEAH!

食飽飯，整左個椰汁西米糕，今次終於攞到煮西米曉門，YES~好Q口~

跟住呢！又發瘟咁，走去煲涼茶，夏枯草+金銀花+菊花。就係佢，係我倒緊入杯時，遊魂一刹間，調...扑街.....倒左落左手。三隻手指紅到....好痛.....心諗，會唔會毁容架！！係咁搽宝膚靈，好痛......過左5分鐘，先至有少少舒緩，再一次證明，寶膚靈係work既.....搵日真係要叫kelvin cheung將佢屋企既過多既寶膚靈送兩盒俾我......都唔明佢地成日都去北京，我就去得3次咁少......。但我走去沖涼時，又痛過.....