超忙碌的一個weekend假期，朝早9點幾起身，hea左一陣，跟住洗衫，之後就為左夜晚bbq開始醃肉，heee俾我發現廚房有玫瑰露，咁梗係棄用米酒，用玫瑰露醃，事關d野會香好多。搞左成個鐘，之後又要換衫出去hi-tea，pokka太貴，所以唔考慮，去左吉吉島既美食廣場解決各人不同既要求，芬芬未食lunch，要食飽d，買左個米線，我同irene想食蛋糕，去左italian tomato買蛋糕，其實仲貴過芬芬個米線套餐，蛋糕要$25一件，個米線都只係$17。

星期六既美食廣場好多人，好多學生坐係到溫書、抄功課、吹水。好彩等左一陣都俾我地搵到位。食飽飽就去買bbq既野，我地打算起身走時，個清潔姐姐話︰坐多陣丫，咁快走做咩.....哈哈哈！第一次遇到咁搞笑既唔俾人走既清潔姐姐。

去新墟街巿買海鮮，遇到不禮貌對待呀！！！買左蝦、花甲、扇貝，好豐富。但文傑指明想食蠔，咪買俾佢囉！去到其中一檔，見到連殼既蠔，要$7一隻，阿姐問我地要幾多，咁我地在場既三個女仔都唔食，咁咪諗著買2隻算啦！點知個阿姐︰吓？？？ 兩隻？(我點頭，心諗，係呀！2隻！嫌少唔賣呀？真係丫~)

買左好多海鮮，但都好平，依到5隻扇貝都只係$20，大大粒~ 

 多謝文傑係灣仔玩具街買左d哈囉喂玩具黎增添氣氛 夜晚落沙灘玩數字球，haha~

輸家又係阿芬！！！