記得仲讀緊書以前，berri提過，女仔過左25歲後要年年去驗身，果時自己24歲，都無在意啦！再過多兩三年，成日飛，就更加無理，依家年紀大左，又見身邊既同事、朋友，好後生都有問題出現，當然自己都開始留意起黎。

所以去左家計會預約，今日上到去，第一件事就係攞住張試紙去廁所，驗尿白，pass，正常無糖尿。

跟住就係量血壓，pass，再黎度高165cm，5尺3寸半，115磅....妖又重左.....

最尾一part，見醫生，預約果時姑娘話有男、有女醫生(即係無得揀)，好彩量血壓時，姑娘話今日係女醫生，咁先放心晒。見完醫生，初步檢查全pass，跟住細胞化驗就要等幾個禮拜，有事既話就電話聯絡，無事就會寄平安信去屋企。

估唔到成個檢查過程都唔駛等，好快咁完成晒。成為$360~