唔知係咪我人夠聰明，所以呢！我4隻智慧齒都要離我而去。我個口都唔細丫，就係唔夠位生牙仔，要飛左佢地4隻野，總共用左我行我$5000呀！身痛又心痛.....

剝牙之前，返左葵芳探下班蛇仔，本來去百佳想買提子，但唔靚...所以只係買左幾隻梨過去俾佢地食下。返到去，同ivan yu吹左一陣，望下個新同事靚唔靚女，真係"水".....係敏"水"...

跟住就趕去剝牙，打左3支針，打左2支先，出去坐一陣，開始痺...又叫我入去打多支，本應無感覺既口，打第3支果時竟然可以痛到想喊.....如果無麻醉...第3支針一定痛到想死！！

今次剝牙又係好快，落刀，剝出黎都只係5分鐘....但都好難受，好彩係最後一次咋...

返到屋企，諗住可以掉左舊紗布，點知血流不止.....新紗布...新紗布.....最後要咬多半個鐘先止血.....唉......