今日又係一年一度嘅交安結業禮，
今次就由王華湘做主場，
係學校度舉行呢個結業禮∼

返到去都已經有好多人，
跟住其他學校同長官就陸陸續續出場，
搞到小食部果度迫爆人∼
之後又坐左一陣，
到左１點幾果陣就出去綵排∼
本來諗住今次唔洗出去步操嫁嘛，
點知最後都係走唔甩．．．

今日有成３３度，
淨係係出面企一陣，
個太陽就幾乎可以煎熟隻蛋啦．．．
一路係度綵排，
２隻腳就一直俾太陽曬住，
係勁熱同唔舒服嫁囉．．．
練左一陣之後就可以休息∼

返到去小食部坐，
有人話雪櫃有凍水，
我地ｄ人就即刻湧埋去攞，
但有ｄ其他學校嘅人竟然都好厚面皮咁走埋黎攞，
仲要一攞就攞幾支，一ｄ禮貌都冇！！！
飲完水之後就去搵筆寫名，
然後就放返入雪櫃雪∼
之後就去廁所戴帽，
跟住就到正式嘅結業禮∼

出到去又係得個曬字，
熱死啦．．．
完左之後就去影相，
影完就入ＳＡＣ坐∼
跟住我就去返雪櫃攞水飲，
點知俾唔知邊個人咁衰，
攞左我支水！！！
搞到我冇得飲凍水，
跟住就唯有飲返支唔凍嘅水．．．

然後就一肚火咁入返ＳＡＣ，
俾ｄ冷氣吹熄我ｄ怒火∼
之後就一直坐，
坐到３點５０幾就同珊珊出去等芬姐，
因為佢地約好左去坑口搵工喎．．．
跟住就走囉．．．

今日黎講都唔算太辛苦，
只係覺得俾個太陽曬住好熱囉．．．
聽日又要做埋哂ｄ體力勞動嘅野啦，
救命．．．